伊健之前同陳慧琳拍嘅《盜馬記》收得三百萬,趁未有新工作,跑步操下都係好事。 

媽咪姐

型佬出肌

Ads by Google

鄭伊健同張兆輝有乜共通點?咪就係兩個都愈老愈 fit囉。正所謂,有好嘢唔好嘥!我媽咪姐見到佢哋咁慷慨露一手,即刻影低,再嚟個新舊對照。事實證明,肯 keep嘅男人,真係無得輸!

47歲鄭伊健 南灣晒粗髀

睇下就嚟 47歲嘅伊健,同蒙嘉慧結婚後,講明仔未必生,但 fit就一定要 keep!佢依家個身形比起後生嗰陣仲結實咗,都係跑番嚟㗎!


唔止媽咪姐識貨,連路過嘅賓賓都望到唔眨眼,型佬 market好大㗎! 

05年呢個係 9年前嘅鄭伊健,個樣好 young,不過對腳好似冇依家咁壯喎。 

51歲張兆輝 廣州露巨臂

張兆輝呢,咪睇佢已經年過半百,有 51歲!但比起十年前,真係冇得比,淨係條手臂呀,鬆定實一睇就知!佢最近仲拍住周潤發喺廣州拍緊《華麗上班族》,喺內地冇乜嘢好做,就一早 6點去酒店嘅餐廳食早餐,着住背心騷老鼠仔,作息時間咁正常,抵佢 keep得咁好啦!


04年十年前嘅張兆輝都鍾意露手臂,但線條明顯唔夠依家結實同大隻囉。 

拍緊《華麗上班族》嘅張兆輝(左一),同 Eason、湯唯合作,睇吓隔籬一班細佢十幾年嘅演員,外形唔係差好遠㗎咋。 

張兆輝喺內地開緊工,晨早做完運動就去食早餐,幾健康。

仲有佢哋!

 


咪睇鄧浩光已經 53歲,佢為咗幫老闆顏福偉旗下產品拍廣告,喪操 5個月,由 180磅減到 150磅。邊個話人到中年唔可以型。 

杜汶澤去年成功甩肉拍《豪情 2》,大晒六嚿腹肌同人魚線,唔講都唔知佢已經 42歲。 

    全站熱搜

    tvb4life 發表在 痞客邦 留言(0) 人氣()