亞熱帶

Doctor變鬼魂 周元狂捽熱吻 100場

韓星同港星一樣,人紅咗就想升呢,好似 JYJ成員金俊秀,之前就特登苦練殺入音樂劇界演《 Elisabeth》,門票次次被秒殺,勁威!不過, 2010年演《麵包王金卓求》彈起、上年拍《 Good Doctor》擔正嘅周元就唔使咁辛苦,事關佢本來就係做音樂劇出身,最近再做同名經典電影改編嘅《 Ghost》,晚晚喺台上赤膊同女主角捽泥,深情 kiss kiss,難怪長做長有,話咁快邁向 100場!煲劇已經唔夠喉?飛去韓國,嚟個近距離浪漫啦。

Ads by Google

周元舊年年中拍完《 Good Doctor》之後,休息無耐,又返咗去做老本行音樂劇。今次就揀咗由 1990年經典電影《 Ghost》(中譯《人鬼情未了》)改編嘅劇目,唔經唔覺就公演咗半年,嚟緊製作單位準備慶祝演出 100場㖭!
唔使講,周元當然係演一開始就俾人殺死嘅男主角阿 Sam啦!雖然佢只得 26歲,但話晒係貫穿全劇嘅角色,個個禮拜又做 4、 5場,聽落都幾攰㗎。不過周元又好 enjoy,就算公司安排佢喺演出外嘅時間拍戲,例如「千頌伊弟弟」安宰賢都有份嘅電影《時尚王》咁,佢都冇詐型,仲話明公司要賺錢,安排多啲工作都係應該嘅。咁講,係咪暗示做音樂劇賺得唔多夠呢?


拍劇上位周元同尹施允合作嘅《麵包王金卓求》收視曾達 50.8%,到依家都未有劇集打破紀錄,成為兩人入行嘅代表作。 

舊年拍《 Good Doctor》,周元飾演有自閉症嘅天才醫生,呢套劇喺韓國播出嗰陣,口碑好好㗎。 

90年經典經典電影男主角柏德烈史域斯赤膊同狄美摩亞「捽泥」;周元就含蓄啲,多咗件衫。

入場睇騷肌

講番《 Ghost》先,如果有睇過電影嘅話,都知道男主角死於非命,見到女朋友嗰陣唔摸得又唔錫得,不過咁樣點會滿足到觀眾吖?所以周元一出場先同女主角激咀,仲有最經典嘅「捽泥」場面。當然唔少得有牀戲,周元仲除剩條褲,騷晒肌!但 sorry,呢 part係唔俾影嘅,要俾錢入場先可觀賞囉。講到咁,係咪好想睇先?


密密 Kiss 

嗱!嗱!嗱!咀喇!咀喇!喺劇入面仲要 kiss幾次,同原著一樣㗎!連角度都似埋。 

神婆跳舞電影入面有神婆胡比高拔通靈,而音樂劇個番鬼神婆仲識跳舞㖭。

咪以為音樂劇冇乜特別,呢套《 Ghost》就加咗唔少燈光效果,要穿過道門,唔係得外星人先做到。 

鬼影穿門 

周元唱歌好少聽到,但佢喺音樂劇入面,唱咗 80%。

2011年,周元同 UIE拍完《烏鵲橋兄弟》之後,互生好感,仲公開講過想同對方發展,不過最後冇咗影。 

睇番周元童年個樣,同依家分別唔大,睇埋個校服 look,又幾似《 Good Doctor》入面啲縮膊小動作喎。 

追星小貼士


2009年周元執二攤演出嘅《 Spring Awakening》已經好搏命露股。不過 sorry,都係入場先睇到嘅。 

韓國嘅音樂劇公演,同香港有啲唔一樣,好多時一做就半年,所以一般會由三個演員輪住做,等其他人每星期都有時間休息。周元拍過劇集,受歡迎程度比音樂劇演員勁好多,所以佢主要安排喺周末演出,各位 fans要去睇就要留意時間喇!
●周元五月份演出時間
4日、 7日、 11日、 16日、 17日、 18日、 20日、 21日、 22日、 24日、 25日、 27日、 29日、 30日
詳情及購票網址: http://ticket.interpark.com/Global/Play/Goods/GoodsInfo.asp?GoodsCode=13008280 

    全站熱搜

    tvb4life 發表在 痞客邦 留言(0) 人氣()