09年楊謹華同阮經天合作嘅《敗犬》,戲中年差 8年,現實中兩人分別係 32歲同 27歲,只係差 5年。比起韓版,無咁重口味。

第一集 賣萌偷拍

Ads by Google

第一集開始,就見嚴正花着住校服登場,之後混入母校採訪,偷影名人嘅桃色新聞!雖然由政治人物改咗做藝人,但重點唔係呢個,睇吓導演拍嘅細位,嚴正花同樣校服唔啱身谷爆咗,要用扣針頂住,跟得好足。


相似度:90﹪ 

 

 


台版嘅楊謹華掛住前男友,成日對住張北極熊相,睹物思人。韓版都忠於原著用番北極熊,係隻熊 fit啲啫! 

相似度:95﹪ 

第二集 牀戲仲激

男主角嚟個英雄救美,送上熱吻呢一幕,《魔女》又點可以唔跟劇本,不過台版嘅兩位主角就點到即止,韓版呢?嚴正花好搏命吓,同朴書俊咀到伸脷,果然薑係越老越辣,拍呢啲戲投入到暈。


相似度:93﹪ 

 

 


相似度:85﹪ 

第三集 壞人入屋

俾人話抄足兩集之後,第 3集終於有修改吓!台版講楊謹華沖涼嗰陣,俾壞人入屋割煤氣喉,搞到間屋爆炸。韓版就冇咁大陣仗,只係有壞人入屋搗亂,嚴正花同佢搏鬥嗰陣受傷,比起台版冇咁香艷喎!


相似度:50﹪ 

賣肉預告

台版有個阮經天教游水,大晒肌肉,韓版都唔輸蝕,朴書俊話晒都有 185厘米身高!雖然睇落係有啲瘦,但嚟緊呢場游水戲見晒均勻嘅脂肪比例,將六嚿腹肌發揮得淋漓盡致, wow!唔 miss得。


再拍《命定》

喺韓國屬收費台嘅 tvN,買咗《敗犬女王》劇本翻拍《魔女的戀愛》,估唔到第一個禮拜播出,就有 1.27%嘅收視,收費台嚟講算係一個幾好嘅開始。
可能見觀眾受落,連帶出名拍古裝片好掂嘅免費台 MBC都對台劇有興趣,同樣買咗由阮經天主演嘅《命中注定我愛你》準備翻拍,呢套韓版《命定》仲會由 12年前合作過《開朗少女》嘅張赫同張娜拉擔正,聽聞《急診男女》嘅崔真赫都有份㖭。


撰文:張韋弘

全站熱搜

tvb4life 發表在 痞客邦 留言(0) 人氣()