有性訴

基與肌 麥子樂

自從影帝張家輝在大銀幕上展露一排朱古力加人魚線後,全城男士都肌字當頭,想擁有胸肌、腹肌、背肌、二頭肌……
佘詩曼契細佬麥子樂去年過檔香港電視,諗住 keep好副身材等待發圍,但結果投懷送抱的美女意外地一個都冇,反而引來一班餓男虎視眈眈,露械示好、情慾電話樣樣齊。

Ads by Google

麥子樂重申性取向:「我健身係想練多啲肌肉,但估唔到會引嚟『基』的疑惑,我係硬漢子直到不得了,鍾意女人唔係男人囉!」

 

短小精悍的麥子樂,原來隱藏一副好 body,唔爆衫就係契家姐佘詩曼口中的 boyboy,爆衫後一身健碩肌肉現形,都是這五年間在健身房努力的成果。

裸男挑逗

健身房除了有「肌肉猛男」外,亦穿插不少同性戀者,「露械示愛」原來在現實中絕對會發生。
「最深刻印象係有次俾個男人望到實,由頭望到落腳,雖然自己見到身材好嘅同性都會望兩眼,但當時感覺好唔自在,之後咪走咗去蒸身,點知佢又跟埋嚟,仲唔用毛巾赤裸裸喺我面前行嚟行去。當時得我同佢兩個,心諗呢次大鑊,坐咗一陣我就起身沖涼換衫走人。佢好明顯係想有下文啦,但我唔鍾意男人嘛,感覺好似俾人性騷擾咁!」

朋友色心起

被人視姦(視覺上被強姦)後,麥子樂沒有因此嚇怕去健身室,但他一身肌肉,就連同性朋友都忍唔住要當眾抽水。「以前有個朋友同我一齊去做運動,我一早就知佢鍾意男仔,而我又唔介意朋友嘅性取向,咪成日約埋一齊去做運動。點知有次佢出手揸我個胸,動作上令我好尷尬,覺得佢並唔係玩咁簡單,明顯係想試吓我有冇興趣。」他說自從這次「非禮事件」後,便不敢再與對方肉帛相見,二人變回普通飯腳只限茶敍。
情慾電話相信好多女性都接過,但原來大隻仔麥子樂都不時收到這類電話。「細個都會玩吓電話,但幾年前收到個冇來電顯示嘅,對方係一個男人,一開聲就已經喺度呻吟,仲問我『你想唔想?』我話『想咩嘢?』跟住收佢線。點知十分鐘後佢再打嚟,就話『我依家掂緊自己嗰度!』我頂!佢明知我係男人都連續兩三個星期打嚟,仲愈講愈過分,咩自己好興奮呀,最後我要用最勁嘅粗口鬧佢,跟住收線,之後先再冇話收過呢啲電話。」


麥子樂在圈中人緣甚佳,先有電視一姐佘詩曼做契家姐,再有識咗多年的兄弟丁子高,依家港視煞停所有製作項目,麥子樂只好硬着頭皮向朋友求助。 

姊弟戀增性知識

早年曾傳出與佘詩曼譜姊弟戀,雖然麥子樂表示只是緋聞一則,但現實生活中的他,身邊另一半的確是姊姊居多。「可能自己仲係大細路,姊弟戀我覺得冇問題。以前幾個女朋友都大過我,只要大家溝通到又鍾意對方,我理得佢幾多歲。 20歲嗰年,曾經有個大我 11年嘅女朋友。喺我眼中愛情係冇年紀限制,感情係兩個人嘅事,只要我接受佢嘅所有同缺點,就已經係一種愛情。(女友年紀比你大,係咪性經驗都多啲?)人愈大當然會愈識(性)呢樣嘢啦!但時代好唔同,當年 20歲嘅我同現時 20歲嘅後生仔比,我嗰個年代都叫保守,我當時乜都唔識㗎!咁拍咗拖,就梗係會學識咗好多嘢,包括前戲同姿勢。經驗係累積嘅,對雙方都係好事,加上 make love係一件好正常嘅事,男女朋友要有愛先會更加融洽,有經驗會令成件事更加美滿。(血氣方剛成日會有性需要?)我依家年紀唔細,有需要或情到濃時先會做,但作為男人就一定會認叻嘅,以前我都好勁,不過一日幾多次唔講得囉!」
揀女友,麥子樂識揀個經驗豐富嘅,但事業?佢就揀咗個冇乜實戰經驗嘅港視,正如他所講,經驗係累積返嚟,希望港視有新轉機啦!


撰文:李家碧
攝影:袁家樂
錄像:蔡政峰
化妝: Joe Wong@Joe's image
髮型: Sam Pan@La Mod

全站熱搜

tvb4life 發表在 痞客邦 留言(0) 人氣()