3月尾 肥腫  170磅事隔唔夠一個月,森美身形大了成個碼,西裝褸遮唔住肚腩,大髀亦相當粗壯,面圓圓兼肥腫難分。 

娛樂喧

停藥後遺 森美暴脹 20磅

Ads by Google

早前森美以身體健康為由,辭演大台新劇。唔使通宵拍劇,森美現時只每朝返商台開咪,以及間中接司儀散 job。難得清閒,森美於是日日同老婆四圍搵食,加上停服抗抑鬱藥,短短一個月,暴脹 20磅,上到百七磅新高。
早前本刊拍得身穿淺藍色西裝褸的森美,比之前足足大了兩個碼,肚腩逼爆鈕咁滯。難怪他回應時亦說:「我真係肥咗好多,連腹肌都冇喇!」

 

今年 2月,森美以健康為由辭演大台新劇。推劇後,他頻頻搞飯局,嘆勻珍饈百味。「佢(森美)不嬲都鍾意食嘢,不過以前忙到連飯都冇時間食,依家唔使日日等埋位,咪索性大解放,成日約班 friend去開餐,有時食完晚飯冇耐,又話要去消夜。」知情人士說。

12年尾 乾瘦  140磅

森美前年拍劇,由於劇情需要騷肌,狂操之下,雖然激戰型人魚線欠奉,但手瓜胸肌都算結實。

3月初 面尖  150磅


《蘋果日報》圖片 

森美推劇後,間中亦會曝光。今年 3月初,他着起老西出席活動,身形有少少發福,但總算面尖。

停藥增加食慾

食得是福,不過對於今年經已 40歲的森美來說,要排走脂肪絕非易事。商台一名員工說:「呢個月見佢個身好似吹脹咁,叫佢戒下口㗎喇,點知佢誇口話做幾日 gym就瘦番晒,但唔見佢郁,真係俾佢吹脹。你估仲十八廿二咩。」
曾患過專注力失調症和抑鬱的森美,近年幫襯開黃偉文密友、精神科醫生吳偉文,定時定候服食抗抑鬱藥。不過今年初,醫生建議森美停藥。毋須靠藥物抗抑鬱的森美,食慾大增之餘亦比以前更吸收食物熱量,種種原因下,令森美的體重在短期內直線飆升。


森美近年情緒起伏很大,試過做專訪時憶述自己患抑鬱症爆喊,而前年又傳出他有戀足癖,認真病態。 

森美:肥到 170磅

早前本刊在商台外守候森美,發現冇見一排的他,身形發福不少。當日他身穿淺藍色西裝褸,雖然全部鈕扣晒,但其大肚腩,直頭逼爆衫咁滯,睇落腰圍有成 38吋。而且大髀非常粗碌,十足榕樹腳。雖然他身高接近六呎,但真的有瘦身的必要。
森美接受記者訪問時,亦直認自己發福不少。「哎!我係肥咗好多,最弗時百五磅,依家肥到 170磅。我呢排冇做運動,哈哈!真係冇晒腹肌喇!」他又承認現時已停服抗抑鬱藥,「初初有呢個病,要慢慢增加服用抗抑鬱藥嘅分量,直到兩年前,醫生開始吩咐減藥。啱啱上個月就完全停晒藥。依家乜藥都冇食,只係食啲健康藥物。」
訪問期間,森美不時叫記者俾脹爆相佢睇,可見他對身形非常着緊。他滿有信心說:「遲下我會跑番步,行山 keep弗。我仲返教會,靠神嘅幫助紓緩心情。」上周六( 4月 26日),他亦出席佈道會,大爆曾被相士批自己死於非命。健康就是財富,努力減肥啦!

拍得幾集


《 FACE》圖片 

森美拍了幾集戲,便辭演唔撈,他解釋:「做完電台又輪到開劇集外景,變咗完全冇得瞓,成日捱通宵,真係頂唔住。」

側睇凸腩

森美由商台行去附近小巴站等車落九龍城搵食,從側面睇,他上身圓潤了不少,腰圍睇落有 38吋。

停劇狂擦

無劇一身輕,森美不時外出食好嘢。今年 2月,本刊便拍得他與老婆齊齊嘆魚生。

直認暴肥

3月 31日,本刊到商台搵森美回應,當日他明顯着鬆身衫遮肥。對於身形暴脹,他直認:「真係肥咗好多。」

輕番 8磅


《蘋果日報》圖片 

4月 16日,森美繼續出席活動搵真銀,不過比起體重高峰期已經回落了 8磅,塊面尖番少少。

醫生:停藥易肥

葵涌醫院前精神科顧問醫生余枝勝表示,一般情況下,停藥是致肥的主因。他說:「一般人服食抗抑鬱症藥物後會變瘦,而停藥後比較易肥。所以停藥後唔可以淨係坐喺屋企,最好做多啲運動。不過抑鬱症病人好易翻發,好多時停咗藥又再食過反反覆覆,始終藥物只係輔助,要真正康復,唔可以完全靠晒食藥。」

DJ反話護航

森美突然由弗爆變脹爆,每日與他撞口撞面的商台 DJ同事,自然心裏有數。不過他們非常有口德,紛紛話肥咗冇問題。

朱薰:心廣體胖啫

記者將森美脹爆相遞俾朱薰睇,她看後十分驚訝:「係佢嚟㗎咩?我日日見住佢,又真係唔覺佢肥咗咁多喎。佢停咗藥?咁即係冇事啦!心廣體胖啫!」

少爺占:肥啲咪仲好

少爺占搞笑地說:「係咪俾人改圖咋,肥啲咪仲好,健康啲,睇我瘦成咁就唔健康啦!哈哈!」不過少爺占都有本事生仔,證明瘦唔代表唔健康。

王貽興:放過佢啦

剛與森美拍檔做主持的王貽興不欲多談:「少運動同水腫都可以肥㗎!放過森美大哥啦!」用到「大哥」嚟形容森美,王生真係世界仔!


採訪、撰文:娛樂組
攝影:攝影組

    全站熱搜

    tvb4life 發表在 痞客邦 留言(0) 人氣()