手指指入到賓利陳列室,小 JM即甩開媽咪手,對住幾百萬的新款賓利手指指(小圖),向媽咪介紹一番。之後小 JM繞車睇一轉及不停發問,不過李嘉欣似乎唔太識答,惟有繑晒手笑住點頭回應。 

娛樂喧

小 JM賓利 showroom當遊樂場 李嘉欣:佢鍾意研究引擎

Ads by Google

李嘉欣原定於周日(上月 27日)擔任「愛彼女皇盃」大使,最後因發高燒缺席。可幸愛駒「一寶」不負眾望,勇奪短途錦標賽冠軍,不過老公許晉亨就要一個人拉頭馬。
許氏伉儷近年愛上養馬出賽,李嘉欣曾表示待寶貝仔 Jayden Max(小 JM)長大些會讓他學騎馬;身為許家長子嫡孫,年僅 3歲的小 JM略懂三文四語(中英日和粵語),除了日常返學外,還參加課外活動。原來他與爸爸一樣,最大興趣是研究名車。
早前,李嘉欣母子現身銅鑼灣的賓利陳列室,小 JM對過百萬的新款車極有興趣,不時手指指向媽咪發問,非常精靈。許家資產過百億,但李嘉欣坦言將來不會送車給寶貝仔:「我知佢好鍾意車,最鍾意研究引擎,等佢識搵錢自己買!」睇唔出大美人原來係嚴母喎!

 

現時每星期返兩日學前班的小 JM,正處於充滿好奇心的學習期,因此李嘉欣只要不用工作,便會為兒子安排很多親子活動。如早前復活節假期,她便帶同小 JM乘搭不同公共交通工具,包括港鐵、天星小輪和電車。她表示兒子最愛坐電車,因為他坐在開篷電車上層,興奮得以為自己坐在開篷大跑車上。

全能 B樣樣曉

小 JM年紀輕輕便知道甚麼是開篷車,當然是與出生在富裕家庭有關,他平日除了出入以名車代步外,原來閒時亦會跟父母逛車行。據某大車行經理透露:「小 JM真係好叻,每次同媽咪嚟睇車,一睇就認得邊架係新款,仲問好多關於設計上嘅嘢。最意外係佢人仔細細已經知咩叫 engine(引擎),仲有啲研究㖭,呢啲一定係爸爸教嘅。」

大陣仗出巡

李嘉欣這日帶仔出巡,除了有助手及菲傭同行,還有貼身啹喀保鑣緊隨其後。

馬場常客

身為馬主的李嘉欣,今年成為「愛彼女皇盃」大使。無奈她因發高燒缺席周日( 27日)的賽事,愛駒「一寶」跑出拉頭馬,只有老公許晉亨做代表(右圖)。



《蘋果日報》圖片 

去睇車每事問

早前,本刊發現李嘉欣母子在助手、外籍工人及啹喀保鑣陪同下現身銅鑼灣,一行五人前往位於禮頓道的賓利陳列室。現場見到小 JM一入店內便興奮得不停手舞足蹈,戴上黑超的李嘉欣緊隨兒子,二人一直以英語交談。其間小 JM不停發問,又問媽咪汽車引擎是放在哪裏?有幾大馬力?李嘉欣亦盡力解答。店員亦習以為常,未有上前打擾他們。
身為廿四孝媽媽的李嘉欣,當然了解兒子的喜好,早前她出席活動更向本刊記者坦承囝囝小 JM的喜好。「佢好鍾意車同飛機,對所有會郁嘅機器都好喜歡,但對車就最上心。佢最鍾意研究引擎㗎,不時會問我『呢款車係邊個國家出?』、『佢嘅 engine係前定後?』有時我唔識答,就會叫佢去問 Daddy。小 JM接觸嘅第一架車係德國車,咩牌子就唔講喇!之後佢一直覺得所有德國車都好 cool同有型,上畫畫班時仲成日話要畫個車嘅 logo㖭!」
問到小 JM將來滿 18歲,會送他一輛 dream car嗎?李嘉欣竟嚴肅起來:「到佢大個就有佢自己喜歡嘅車款,但我會等佢自己識搵錢自己買,要佢學懂珍惜,一定唔會送。」雖然許氏家族有過百億資產,但許太聲言不會縱容兒子亂花錢。

遊樂場任 run

小 JM當賓利陳列室係兒童遊樂場,睇完一架即跑去另一邊再睇。李嘉欣捉都捉唔住佢,連自己件衫縮起咗露出腰間肉都唔知,啹喀保鑣就全程在店外𥄫實。

抱仔快閃

發現本刊記者後,李嘉欣即抱起小 JM離開,眾人急急腳行到附近的裕景商業中心。估唔到弱質纖纖的李嘉欣,抱仔快閃會氣都唔喘。

收埋阿仔

個多小時後,李嘉欣與家姐李嘉明及助手一齊離開,但未見小 JM、菲傭與啹喀保鑣同行。

去年買 400萬賓利

去年 9月,許晉亨以 400萬買入藍色賓利 Flying Spur W12(圖為同款車),平時用來返工代步。

親子樂

望子成龍的李嘉欣,安排小 JM在維多利亞幼稚園讀學前班,閒時親自接放學之餘,早前更在家中浴缸與兒子一齊沖涼玩水。


愛駒身價近千萬


李嘉欣與許晉亨近年愛養馬,他們的第一隻愛駒「一寶」戰績彪炳。 

李嘉欣和丈夫許晉亨名下現有兩匹愛駒「一寶」和「貳寶」。來自愛爾蘭現 5歲的「一寶」在今年的本地賽事已 4次奪冠,贏得 500萬獎金;而 4歲來自澳洲的「貳寶」今年 2月亦發揮超水準,首次贏得勝利獲 155萬元獎金。
早前李嘉欣再抽中買馬權,可再加添第三匹馬,她笑說:「我們已在英國買了匹良駒,下季可以參與賽事!」馬名仍在構思中。雖然贏馬可以帶來豐厚收入,但每月開支亦十分龐大。會籍收費每年由 7萬到 40萬不等,再加每月的練馬師、騎師及養馬費用,每匹馬一個月的開支超過 10萬。而買入一匹有質素的馬動輒要上千萬,做馬主絕對是高消費的高尚玩意。


撰文:娛樂組
攝影:攝影組

    全站熱搜

    tvb4life 發表在 痞客邦 留言(0) 人氣()