化了淡妝的苗金鳳冇乜皺紋,而且皮膚白滑,亦冇鬆弛跡象。「我每晚搽精華素由下而上按摩。」 

娛樂喧

69歲索 old嬋 苗金鳳晒 26吋黃蜂腰

Ads by Google

娛圈最近湧現一班美魔女,位位身材弗爆,皮光肉滑,肌齡倒退十幾年。不過,原來索 old嬋更厲害。
粵語片著名女星苗金鳳,近日在大台新劇飾演惡家婆。雖然寸人冇命賠,但深得一眾網友歡心,驚嘆她保養得宜,冇乜皺紋之餘身形仲好弗。
苗金鳳今年原來已經 69歲,生了兩個兒子,做埋人阿嫲。上周六( 4月 26日),她與記者分享保養心得,只化淡妝的她,幾乎零毛孔,腰圍只得 26吋。真羨慕死人!

 

闊別幕前 16年的苗金鳳,憑住不老容顏,在大台新劇殺出重圍,揮低七個中女,成為網上紅人。
上周六( 4月 26日),記者約了苗金鳳做訪問,她準時現身尖沙嘴某咖啡室。她身穿紫色絨質上衣,貼身長褲,並披上白色圖案絲巾,行路婀娜多姿,離遠已聞到一朕粵語長片味道,她更以溫柔聲線說:「哎吔!真係好耐冇見喇!」

養顏秘訣

1.勤搽加拿大護膚品
2.日日飲老火湯,唔落鹽煲
3.做家務當運動,出汗排毒


18歲卜卜脆 

30歲索熟女 

50歲有貴氣

網友激讚

與之前舊相比較,今年 69歲的苗金鳳的確唔覺老咗,難怪大批網友讚她索。聽到網友讚,苗說:「係咩?佢哋咁好呀!我老人家嚟㗎!」

 

正當她細數拍粵語長片的點滴時,記者向她由頭至腳近距離掃描一次,她皮膚白淨,臉上幾乎冇皺紋和毛孔細緻,睇得出冇經後天加工。今年 69歲的她笑說:「以前啲化妝品冇依家咁好,嗰陣我啲皮膚都麻麻,後尾有個朋友介紹咗隻加拿大牌子俾我,我一用就十幾年,好多人都讚我皮膚靚。」
要改善肌齡,當然要用適合自己的護膚品,不過苗金鳳身材依然苗條,身高 5呎 6吋的她,擁有 42吋長腿,現時腰圍只有 26吋,羨慕死人。「哎吔,其實我肥咗好多,做女嗰陣得 95磅咋!我依家 110磅,想肥多 5磅, 115磅會標準啲!」
自言不做運動的她,要保持體形,原來另有秘訣,「我退出娛樂圈頭嗰十年,去咗澳洲陪個仔讀書,嗰陣佢住宿舍,我就自己一個打理成間大屋。由開始髹灰水,到之後洗屋頂,都係自己爬上爬落做。我乜都自己做,咁多年嚟我冇請過工人,做到出晒汗,血液運行好好。」除了做家務,苗金鳳還堅持日日煲老火湯。「我每日去街市睇下有乜新鮮材料,自己煲湯煮飯,最緊要冇味精。我一個人食唔晒,咪請朋友返屋企食囉!」勤力過肥媽。

30年不變

訪問當日,苗金鳳特登帶了大堆舊相前來,記者睇過舊相,再與真人比較,發現她多年來容顏不變,令人驚訝!


打機提神

訪問後,苗金鳳坐地鐵返將軍澳屋企,其間她全神貫注玩電話 game保持住腦筋靈活,「依家如果半夜瞓唔着,我就起身打機,打到攰至瞓。」

與新抱保持距離


苗金鳳新劇做惡奶奶上位,飾演她兒子的鄭丹瑞說:「個樣同我以前睇佢做戲時個樣,一啲都冇變,仲有一嚟就有戲,真係犀利!」 

苗金鳳現時獨居將軍澳,兩個兒子亦已成家立室。提到與新抱相處,她強調自己現實生活裏絕非惡家婆,「相見好,同住難。佢哋都大個仔,當佢哋係朋友就最好。對班仔唔好囉囌,對新抱仲要客氣啲!依家我個細新抱喺公司都俾人叫做李若彤,啲同事成日問佢有冇俾奶奶恰㗎。」
曾經歷婚姻失敗的苗金鳳,提到現任丈夫(第二任,圈外一男子),她淡然地說:「老公?唔講老公啦!我覺得狗仲有性過人,之前我養咗一隻魔天使,醫生話佢肝癌救唔番,佢去咗之後我成日喊,好似患咗抑鬱!我唔再養喇,依家我自己去寵物店睇下!(咁湊孫啦?)唔湊啦!我都係鍾意一個人住。」

粵語片女神

今年 69歲的苗金鳳是六十年代粵語片最紅女星之一,她擅長演繹楚楚可憐的少女角色。 1966年,她與張瑛合作的《一水隔天涯》成名,之後幾乎都做女一,是當時的女神。
苗金鳳第一任老公為從事電影工作的劉芳,不過離婚收場。之後再嫁俾澳洲華僑,育有兩子。

膠面俱樂部

大台新劇打着「女神回歸」的噱頭,但昔日觀眾心目中的「女神」,如今已經全部四字頭,出盡力化妝仍有點走樣,只怪歲月無情。

47歲李若彤 強膠味

膠樣盡現,唸對白時面部肌肉唔郁。

48歲李麗珍 眼紋多

演繹貪錢婆時表情誇張,魚尾紋和眼袋紋盡現。

46歲江欣燕 面慘白

經常冇化妝,加上面無血色,配合怪誕造型。

44歲袁潔瑩 得棚牙

劇中面部肌肉僵硬,講對白時猶如一大副假牙移動。

41歲葉蘊儀 周身肥

可愛美少女變成「終身肥菜」的師奶仔,但皮膚算唔錯。

43歲張慧儀 殘到喊

劇中不修邊幅,冇化妝的她黑眼圈勁深,得個殘字。


採訪、撰文:娛樂組
攝影:攝影組

    全站熱搜

    tvb4life 發表在 痞客邦 留言(0) 人氣()