Jennifer Tse鮮橙色綴拉鏈企領連身裙$699金屬鏤空手鈪$179both Marks& Spencer 

cover face

謝婷婷 冇諗過生 BB

Ads by Google

婷婷一度抗拒入娛樂圈,又曾經,以為她與安志杰打風都打唔甩,世事往往如斯弔詭,無人能寫包單。
就正如生於演藝之家,一出世就活在鎂光燈底下,想與不想,都由不得自己選擇。
「唔係屋企人影響,我都唔會入呢行,你可以話係個 family business。」
80後活在幸福摩天輪底下,麵包與愛情,她早已揀好。
「我從來唔會將事業同感情放喺同一個秤上,因為工作只為搵錢,搵幾多都唔能夠同感情相比。
「我乜都得,一蚊同一百蚊嘅麵包,我唔識分。」
性情中人,一向愛得坦蕩蕩,但今勻跟富二代、名媛李桂蘭之子戴尚安的一段緋聞,反玩低調,只肯形容二人關係是「 feel great、 feel right」。
唔做女強人,係咪疊埋心水等嫁做小女人?點知佢擰頭話,「結婚?唔一定㗎!我鍾意呢個 idea,但又覺得白頭到老唔 work喎!」齋聽都覺得矛盾!
按星座分析,處女座最缺乏安全感,完美主義,又愛胡思亂想,所言非虛。


Profile
 

Jennifer Tse
出生日期: 1982年 9月 7日(處女座)
出生地:香港
身高: 5呎 4吋
體重: 108磅
語言:廣東話、英語及法語。
學歷:加拿大英屬哥倫比亞大學心理學學士畢業
簡歷: 4歲時,隨家人移民加拿大溫哥華。
05年,大學畢業回港。
08年,入行當模特兒。
11年,簽約王晶,正式當上藝人。
主要作品:《李小龍》( 10),《猛鬼愛情故事》( 11),《絕色武器》( 12)。
微博: http://weibo.com/jennifertse 


一家四口於加拿大的溫馨合照, 9歲的婷婷樣子清秀,漸見美人胚子。 

回港放暑假的婷婷,仍帶少許 baby fat,有點鄰家女孩初長成的感覺。《蘋果日報》圖片 

婷婷與戴尚安同樣熱心公益慈善,早於 11年,已經一起去探訪癌病兒童,種下緣份。《壹週刊》圖片 

在《絕色武器》中飾演刺客的婷婷,有甚多動作戲份,但她一向有運動底,當然未驚過。 


太多嘢控制唔到
 


Jennifer Tse金色金屬頸鏈$279黑白色橫間針織上衣$699黑白色圖案雪紡百摺長裙$599金屬鏤空手鈪$179黑白色綴波點手袋$599黑白色壓蛇紋 T-strap高踭鞋$499all Marks& Spencer 

婷婷不說話時樣子甚 cool,怎知一打開話匣子,就會滔滔不絕。
「我現在主要籌備緊年底嘅非洲慈善相展,之前同 Sean(戴尚安)飛咗去非洲拍攝,嚟緊仲想同鯊魚一齊影輯相。除咗香港,仲計劃喺台灣、越南和中國舉辦,因為呢啲地方買賣魚翅嘅情況好嚴重。」出錢出力搞環保,有板有眼,值得鼓勵。
「我一直好想去非洲體驗,阿 Sean知我鍾意動物,就提議這個 idea。依家愈搞愈大,我都唔識搞,等佢搞。
「一對情侶最緊要有 common interest。」同樣熱愛環保的 Sean豈非最佳人選?
「佢教識我好多嘢,相處耐咗,發覺我哋有好多話題,佢好 special。(現在的感情生活?)好舒服、好 easy。」
現在三十有一,有想過結婚嗎?「我從來冇幻想過自己嘅婚禮會係點,因為要搵到一個人每個 chapter都同你同步好難」。每次見她講起兩個姪仔 Lucas同 Quintus都勁冧,會想生番個嗎?「我都唔知點解咁鍾意,就算喺街見到得意嘅細路都會跟住佢行;但我自己冇諗過生,或者會領養,因為我唔覺得世界需要多一個細路仔。
「你當我唔生係因為我太愛將來嘅 BB,世界變得太快,太多嘢控制唔到,唔想將來佢要 fight for the position and the world,嗰種 competition,太辛苦。」我說她未免想法太悲觀,她亦認同。「我都覺得自己好矛盾,身邊朋友都話我係一個好樂觀嘅人,但每日扭開電視,就好似世界末日咁,真係好難 keep positive。」


通常小事最感動
 


Jennifer Tse銀色金屬 choker$299米白色長身西裝背心$999白色印花雪紡吊帶裙$899藍/紅色幼身皮帶$129(一 set兩條)all Marks& Spencer 

很多人說,讀心理學的,心思特別複雜,一不小心就會鑽牛角尖,希望婷婷不至於吧。
「我鍾意做戲,因為電影所創造嘅無限空間,令我更認識自己,之前去紐約上過一個戲劇班,發現原來自己長大嘅過程深深影響咗現在嘅性格。老師教我要豁開自己,佢話有時因為唔想記得以前嘅嘢,所以人會用一個面具為自己建立一面牆,要打破這面牆至可以搵番 emotion。
「以前讀心理學亦講過每個人都有一個包袱,而佢一定是來自父母。」
我好奇問她也有這個包袱嗎?「唔係講自己!我嘅成長經歷好幸福。」
父母同兄長的婚姻都不算美滿,算不算是一種包袱?「我發現我記性唔太好,但我覺得 everything is ok,因為我係嗰種 take it day by day嘅人。」
同家人聚少離多,感情會否較疏離?婷婷想了想。
「我覺得關鍵在大家唔係一起長大,再加上喺呢行工作,聚首時間唔多,先有令大家覺得疏離嘅感覺。」
總有令你感動的事吧?她答得挺快。「真係冇。」又笑笑口。「我講冇,佢哋一定會殺咗我。」想了想,「其實通常小事最感動我,例如媽咪煲湯俾我飲。」
我打趣問她會否有一刻想過如果不是生於名人家庭會怎樣。「一定有唔同,但我唔會諗多過一秒,因為我唔會想太多如果嘅事。我覺得每件事都有好壞處,係一個 package嚟。以前嘅我黑白分明,冇灰色地帶,依家冇咁固執,明白屋企人多咗。」


後記
 


Jennifer Tse淡粉紅色綴喱士恤衫背心$429米白色通花喱士半截裙$599黑白色仿蛇皮手鈪$279金銀色綴尖釘閃石手帶$329all Marks& Spencer 

知婷婷近日愛煮幾味,就問起她的拿手小菜。她興奮答「蛋榚同 pasta!我鍾意焗甜品。」有冇同 Sean一齊煮飯仔?婷婷甜笑道「佢做食嗰個多。」仲話讀書時已經鍾意煮嘢食,買晒啲工具,但苦無大展廚藝的對象,是以冇心機煮。如今?不言自明了。

 

Marks& Spencer
中環皇后大道中 28號中滙大廈 2921 8323


撰文: Bel Chow
形象: Annie Hung
攝影: Eric Seto 
化妝: Ling Chan@ZING The makeup school 
髮型: Anson Tse@ii Hair Nail
鳴謝: Marks& Spencer

全站熱搜

tvb4life 發表在 痞客邦 留言(0) 人氣()