23/3劉華在歌迷燒烤會上滿場飛,更四萬咁口,不時主動坐低和歌迷傾偈。 

滾熱辣

直擊歌迷聚會 劉華逐枱晒愛女相 3秒

劉德華對兩歲愛女劉向蕙( Hanna)的保密工夫做到滴水不漏,既買下相連加多利山獨立屋,又租用尖沙嘴服務式住宅聽濤閣,實行兩頭住家。就算女兒去診所打針,亦有四名保鑣跟身,傳媒難以埋身。

Ads by Google

不過,一向待歌迷是家人的劉華,去年 12月被歌迷追問幾時有得見劉向蕙時,就開下支票:「應承大家,下次聚會安排吓!」華仔果然守諾,在三月尾的歌迷聚會中,讓 fans一睹囡囡真貌。雖然只是手機照片,而且每枱限睇三秒,不過為了這三秒,聚會比以往嚴密三倍,不但全場圍黑布,亦下旨全場熄電話,現場更有成打護衞駐守,大陣仗到嚇死你。

 

從兩年前愛女劉向蕙( Hanna)出生後,劉華千方百計收埋女兒,不過,父愛氾濫的他,仍忍唔住將愛女掛在口唇邊。去年 12月歌迷聚會上,他甜到漏讚愛女靚︰「由出世到依家都係似媽咪」,又話「希望囡囡留喺香港,最好讀 local school」。
劉華曾私底下向相熟歌迷表示,會在女兒兩歲時,讓 fans見一見她真貌。劉向蕙今年 5月 9日就足兩歲,講得出做得到的劉華,終於在三月尾的歌迷燒烤聚會上兌現他的承諾。


𥄫實門口聚會當日中午,燒烤場被黑布圍住四周,難以窺見場內情況。門口亦有專人守衞,有門票證明才可入內。 

黑布圍場 

3秒晒女

見到相熟歌迷,劉華會主動攞出手機,向 fans展示女兒相片,不過只限睇三秒。

任攬唔嬲

當日劉華心情大好,對 fans「要抱抱」的要求,都來者不拒。

嘴咀男 B

見到一名年約三歲的男孩時,劉華不但主動抱起他,仲嘴對嘴錫小朋友,父愛氾濫。


禁拍照禁開手機

3月 23日傍晚,華仔與歌迷在大埔大尾督舉行 BBQ聚會。當日中午,燒烤場四周一早已被黑布圍住,場內約十多名工作人員及護衞,唯一入口亦有專人守衞,禁絕外人出入。黃昏六點時,現場廣播吩咐歌迷不能攝影,更要將手機關閉,如見附近有人攝影更要舉報,私隱度十足。現場所見,歌迷十分聽話,只見他們頻頻走到布簾外講電話。
劉華約在六時現身,只見他滿場飛,枱過枱與 fans傾偈、影合照。當他見到一個約三歲的小男孩,更肉緊地抱起對方嘴對嘴親吻。歌迷笑他恨仔恨到發燒,更起哄叫佢追番個。不過當晚高潮是他公開手機內囡囡的相片。有歌迷覆述當時情況:「唔少 fans打蛇隨棍上,問有冇得見吓 Hanna(向蕙英文名),以往華仔多數笑笑口,講聲:『乖啦!』就算。點知嗰日佢竟然喺相熟歌迷面前,攞個電話出嚟,然後講明︰『嗱,係見三秒咋! 1、 2、 3』然後喺逐個人面前揚一揚 Hanna張手機相。我哋見到 Hanna短頭髮、鼻高、眼大,真係好似朱麗倩。大家笑住問佢幾時追多個,佢雖然冇答,不過就一直笑笑口,心情好靚。」
近年減產的劉華,真的十分享受家庭樂。就連出席歌迷聚會前,亦把握時間,親自下廚冧老婆,認真廿四孝好老公。
知情者說:「華仔聚會當日陪唔到老婆,知佢最鍾意食叻沙麵,咪學煮冧吓個馬拉老婆囉。華仔仲用電話同 Hanna影咗幾張靚相,話應承咗 fans,要俾佢哋見下 Hanna。朱麗倩當晚仲特登夜少少瞓,等埋老公返屋企同佢吹水。華仔次次去完歌迷聚會,都有好多嘢同老婆分享。」
雖然一直傳出 52歲的劉華想追第二胎,不過,現時他忙於在江西拍內地電影《失孤》,預計要拍到 6、 7月才煞科,看來造人大計也要下半年才實行。


朱麗倩一向低調,近年只有去年尾在紅線女追思會上公開現身。 

在歌迷聚會上,劉華父母亦是常客。在爸爸面前,已晉升老竇的他終於可以做番細路仔。 

下廚冧老婆

劉華出席歌迷聚會當日中午,先煮叻沙冧老婆,他在歌迷會網頁上載圖文記錄自己下廚過程。
老婆朱麗倩捱夜等劉華回家。講妻女,劉華用「溫馨極了」、「和諧極了」來形容一家關係。



劉華自述 

兩個至夠數

近年圈中不少藝人榮升父母,都生夠兩個先停工,可惜多數都係兩仔或兩女,湊唔成「好」字。

蔡少芬

39歲嘅蔡少芬於 2011年誕下大女楚兒,去年 Ada再剖腹誕下次女張信兒。

陳慧琳

陳慧琳一直恨生女,但已生劉昇(圖)及劉琛兩子的她,直言不再追 B。

張學友


資料圖片 

張學友和羅美薇育有兩名女兒,分別是 13歲的張瑤華(圖)和 9歲的張瑤宣。

新片造型曝光

 


罕有扮「乞兒」為拍《失孤》,劉華一身邋遢,連鬚根都白埋,激似乞兒。 52歲的他向來似四十,今次他終於演回自己年齡。 

被公安趕拍攝時,劉華被公安以為是乞兒,而被驅趕,今次都算為藝術而犧牲。 

激似犀利哥劉華在《失孤》的出位造型同早幾年熱爆網絡的「犀利哥」(左),原來都幾似。

拒拍《中國好聲音》


劉華今年減產,不過年初都有客串《金雞 SSS》,更在宣傳活動上題字。 

一向走型佬路線的劉華,近日在新片《失孤》扮演貧苦農村父親,為尋找被拐賣的兩歲孩子,不惜展開長達 14年的尋子之路。劉德華在片中以邋遢造型示人,為了專心演好《失孤》,他甚至寧願放棄三千萬人仔,婉拒為《中國好聲音》做導師。
「拍完《失孤》華仔會放長假,一來陪下囡囡,二來朱麗倩都 48歲,係生 B就要趁快。華仔有定期做身體檢查,近排亦有搵專家為老婆設計餐單。因為 Hanna出世時得 6磅,醫生懷疑可能同朱麗倩食素有關,所以華仔想佢營養均衡啲,等第二胎嘅 BB都健康啲。」
劉華去年 12月曾盛傳再做老竇,他否認老婆有孕,但亦坦言想追多個:「我都好想有(多一個),我都好心急,我造人同工作都一向努力。」恨仔恨出面,朱麗倩亦早已為迎接第二胎做好準備,希望快啲有好消息!

造型百變

劉華一向求變,在電影不時試不同古怪造型,肥佬、大隻男、女人,甚至連特首都做過!


大肥佬在《瘦身男女》,劉華飾演的大肥佬,為了 Sammi瘦身傾家蕩產。 

大隻佬劉華在《大隻佬》再次穿起特技衫做「變形人」,他在片中更有一幕戲要街頭「全裸」。 

美妖女劉華唔止靚仔,仲係靚女,佢喺《暗戰》扮女人鬥劉青雲,是經典港產片場面。 

型特首在《金雞 2》及《金雞 SSS》,劉華客串飾演特首,亦是「金雞」系列最令人記得的爆笑場面。 

撰文:娛樂組
攝影:攝影組

    全站熱搜

    tvb4life 發表在 痞客邦 留言(0) 人氣()