跑完沙灘,久未拍過泳照嘅徐子珊,笑住同工作人員講:「好似選港姐咁!」咁佢身形 keep得到,難怪咁自信! 

打頭陣

搶鍾嘉欣 3百萬廣告 徐子珊沙灘盪奶

Ads by Google

去年徐子珊與鍾嘉欣同被視為視后大熱,雖然最後獎項落在程咬金田蕊妮手上,但兩人已鬥到出面。最近宿敵又再拗手瓜! 34歲的徐子珊狂谷 4吋事業線,「胸」走代言了 3年的「宅男女神」鍾嘉欣,成為纖體新代言人, 300萬酬勞袋袋平安。因而引起了兩批 fans網上駡戰。
不過,廣告商換人總是有理由。單睇搏到盡的徐子珊,為拍攝新廣告穿上加細碼泳衣唧胸喪跑,打完排球又玩 skimboard,難怪得纖體公司老闆力讚︰「嘉欣較文靜,子珊就好有活力,係我哋新方向!」

泳客喪𥄫

拍攝時,現場男泳客見到徐子珊着三點式跑來跑去,望到眼都唔眨。

 

11年,鍾嘉欣憑樣貌清純成為纖體公司代言人,酬勞 2百萬兩年。當年拍攝性感尺度一般。去年在廣告商多番要求下,嘉欣破例穿上火紅色 bra top冧莊續約, 120萬加簽一年。不過合作期間,有傳廣告商想嘉欣多做宣傳,之前更安排了個科大 talk騷,可惜最後宣傳效果不如理想。直至今年初傾續約,纖體公司決定換人,加碼到 3百萬兩年,改簽性感尺度較高的徐子珊。對於廣告酬勞 3百萬,子珊非常口密:「呢個要問番經理人。」


鍾嘉欣第一次拍纖體照時堅拒着三點式(右)。去年在廣告商一再游說下,才勉強穿上款式保守的比堅尼。 

冇食飯拍一日

以往廣告商曾要求嘉欣在室外拍攝充滿動感的宣傳照,但始終未能成事,反觀新代言人徐子珊就嚟個沙灘大解放。 4月 13日早上,子珊就與幾個𡃁模,到西貢南風灣拍攝廣告短片。
子珊先與三位𡃁模在沙灘拍攝跑步場面,雖然子珊不是巨胸級,不過在加細碼泳衣的「培肉」下,雙峰亦有逼爆效果。
午飯時間,個個大魚大肉,子珊為保持最弗狀態,只齋飲水。休息一小時後,又返回沙灘拍攝,當日子珊打完排球又玩 skimboard,追趕跑跳碰樣樣做齊。

擺明挑機

周秀娜 09年為同一纖體公司做代言人,今次徐子珊都係撕衫,明向娜姐挑機。


唧到變形

 


徐子珊為咗谷胸,着咗加細碼泳衣,搞到右胸變形。 

打排球拍了兩個 take後,因為要就鏡頭拍攝,子珊提議用左手殺球,之後她再同𡃁模對打,一拍就拍咗成粒鐘。 

濕身誘惑

打完排球,徐子珊一樽凍水照頭淋。佢就降溫,但係就令圍觀的男士升溫!

花旦瘦身熱

近年纖體戰由電視女星主導,一次代言隨時換來百萬收入,難怪個個花旦爭做新一代纖體女王。


陳煒  60萬有纖體公司出價 70萬找苟芸慧代言,但因她減磅失敗,最終由 39歲陳煒頂上。 

胡杏兒  100萬胡杏兒曾任多間纖體公司代言人,近年曾以 100萬為「纖瘦店」代言。 

佘詩曼  300萬佘詩曼內地知名度高,故獲纖體公司邀請為大中華區代言人。

狂碌瘦象腿


去年徐子珊大髀明顯較現時粗兩吋,有圖為證! 

子珊對此廣告十分緊張,拍攝前一個月,為急救重災區象腿,差不多每天都用機碌瘦雙腿,她表示滿意現時身形︰「依家重 105磅,腰圍 22吋。我每日都去做機,最重要操到肌肉結實有線條美,因為以前跳中國舞,下身係重災區,反而唔使健胸,上圍適中均勻啦。」
對於搶嘉欣 BB廣告,佢話:「唔好咁講,多謝客戶鍾意用我公司嘅藝人,我冇諗過優勝之處!」記者笑她是為新一代性感尤物,她睩大眼:「我咁嘅身材點得呀,講笑咩!」
對於飛起鍾嘉欣換徐子珊,纖體老闆陳裕丰說:「以往兩年比較靜,今次換人係想配合新推廣計劃。嘉欣比較文靜,子珊較活力,我哋同嘉欣都合作得非常愉快。不過子珊可塑性真是好高……(下刪二百字)」

透視趷籮

拍外景固然搏命,返到 studio,徐子珊黑色透視趷籮,繼續用行動證明自己有前有後。

叉腰 deep V

近日徐子珊成功減大腿肥肉,自然要騷一騷成績。短裙仔露髀騷胸,一次過滿足觀眾多個要求。

talk騷冇宣傳


徐子珊近年成功彈起,去年由她和黃子華主演的《 My盛 Lady》最高收 31點,為大台救亡。 

問到換人是否不滿嘉欣 BB,例如大學 talk騷沒有預期曝光率,他說︰「(科大)呢個唔係我哋公司宣傳活動,係私人同大學生交流活動。(點解冇通知傳媒?)因為佢分享做代言人心聲,唔係商業性活動。(但現場有好多你公司嘅宣傳海報喎!)個課程冇宣傳成分,現場海報因為佢身為我哋代言人,我哋送番一啲療程俾參與學生。」貼晒海報送療程都話唔係宣傳,講唔通喎。
在娛樂圈,面面俱圓一定較襟撈,莫講話廣告,連在大台的人氣走勢,現在徐子珊亦比鍾嘉欣看高一線。早前出書鬧爆大台的偽文豪,亦曾在書中大讚子珊是大台冇架子的花旦及夠專業,又讚佢型。書中節錄︰「佢亦都有專業的時候,有次佢 NG咗幾次,都即刻同導演講 sorry,而最重要嘅,係佢對我哋呢啲低等生物嘅態度非常唔錯。」

嘉欣罕談抑鬱

3月鍾嘉欣仍是詩琳代言人,她到科大講 talk,承認自己曾患抑鬱。談到一些過去的陰影更講到眼紅紅。

被好友出賣
「我細個同外面世界好少接觸,我喺一個保護箱長大,我係冇自信,都幾驚呢個世界。我小學時有個 best friend,佢拋棄咗我,仲同其他同學講一啲說話令到我同佢哋嘅關係好疏離,所以我小學到中學係冇朋友,導致到我依家嘅性格係好驚青。」

介懷常犯錯
「我的價值觀都好強,做演員係一份工作,做演員可以 train,其實我撞過好多次板,走位又唔識,喊又喊唔出,真係喊得好核突!」

放唔低自己
「我最大挑戰係我放唔低自己,有時我仲好顧人哋點睇我。拍緊戲時,如果我 NG一次,我會諗死喇 NG一次,進度慢咗喇!鍾嘉欣你快啲啦!呢啲思想好負面。」

缺乏自信心
「我冇信心、我被遺棄過,我驚人點睇我,雖然我係鍾嘉欣,但係我懷疑自己會唔會唔夠靚?」

失眠脾氣差


鍾嘉欣在《巨輪》飾演卓靜( Rachel)和陳展鵬是一對,加上兩人傳緋聞,令鍾嘉欣人氣更旺。 

反觀昔日的乖乖女鍾嘉欣,卻因為工作壓力爆煲,脾氣日漸變差。據知於 2011及 12年,嘉欣 BB工作量激增,兩年拍六劇,基本上連睡眠的時間都冇,加上抑鬱影響情緒,連脾氣都差晒。有工作人員透露︰「佢連瞓嘅時間都冇,仲有咁多 event要去,點會冇脾氣!有時啲阿姐幫佢梳唔靚個頭,佢嬲到發脾氣掟梳。」
去年尾,鍾嘉欣在《 TVB馬來西亞星光薈萃頒獎禮 2013》,憑《巨輪》成為大馬雙料視后。嘉欣本以為香港的視后都係囊中物,點知突然俾黑馬田蕊妮跑出,據知此事令嘉欣大感失望,曾向友人呻︰「 TVB攞獎係講年資,輪住嚟,我都想知我幾時可以拎到。」失獎失廣告可以贏番搵番,不過連人緣都輸埋就真係大件事!

「宅男女神」 VS「性感女神」

纖體公司埋身戰,現年 34歲徐子珊成功踢走三連霸「宅男女神」鍾嘉欣成為新一代纖體女王,所以話年歲唔係重點,最緊要夠搏。


鍾嘉欣 

徐子珊 

換代言兩派互插

由 11年開始,詩琳纖體公司已經起用鍾嘉欣當代言人,最近改用身材惹火的徐子珊,廣告未見街,鍾、徐兩派粉絲已經喺微博互片。

挺鍾派
唔要嘉欣 bb簡直大跌眼鏡,走寶啦!
今次仲同嘉欣搶,我覺得徐子珊好姣。

挺徐派
之前是找鍾假心做代言人,不少人留言說鍾像人妖。
身材比鍾嘉欣好。


採訪、撰文:娛樂組
攝影:邢華
拍片:高嘉穎

    全站熱搜

    tvb4life 發表在 痞客邦 留言(0) 人氣()