同你吟一吟

吳綺莉噴煙教女

Ads by Google

已經由無綫過檔有線,孖住陳啟泰主持節目嘅吳綺莉,為咗交功課,自爆當年唔理成龍反對佗住小龍女,搞到好大壓力,曾經諗過自殺,幾乎一屍兩命。單親媽咪唔易做,更何況龍女吳卓琳已經十四歲,正值青春反叛期,吳綺莉更加睇少眼都唔得。 


一手擔煙,一手指住個女(紅圈),吳綺莉噴煙又噴女,之後仲將煙頭丟落地, no good。 

 

星期日(四月二十七日),《壹》仔撞見吳綺莉揸車同個女落咗跑馬地,停低便利店門口,卓琳自己落車入便利店買嘢飲。高咗好多嘅卓琳同媽咪一樣手長腳長,至於個樣,就愈來愈似「阿哥」房祖名。
之後兩母女上咗畢拉山道,吳綺莉將車停埋一邊,絞低車窗,點起支煙,手指指篤住阿女,一邊噴煙一邊家訓。
食完支煙,吳綺莉隨手丟落地下,跟住兩母女一齊行入屋苑。
阿媽教女,無可厚非,但擔住支煙噴個女,就唔係咁好囉!


已經十四歲嘅吳卓琳,開始步入發育期,差少少就高過五呎八嘅媽咪吳綺莉。 

吳卓琳生得手長腳長,側面睇,個樣愈來愈似「阿哥」房祖名。 

撰文:八珍

    全站熱搜

    tvb4life 發表在 痞客邦 留言(0) 人氣()