G.E.M.拒婚前性行為
林宥嘉急換新歡同居

#video_player{width:100%;height:100%;}


■上周四林宥嘉被影到深宵喺台北街頭陪丁文琪跑步,噚日舊愛G.E.M.話冇回應。台灣《壹週刊》圖片

Ads by Google

林宥嘉狠撇鄧紫棋(G.E.M.)結束四年情,有傳因信教嘅G.E.M.堅拒婚前性行為,搞到26歲血氣方剛嘅林宥嘉冇得發洩,結果搭上台灣前歌手丁文琪玩劈腿,早排仲被舊愛G.E.M.喺facebook數臭五宗罪,雖然林宥嘉強調同丁文琪只係朋友,但近日兩人被影到喺台北密會,林宥嘉不但陪跑步陪開工,仲偷運丁文琪返家過夜玩閃電同居。
噚日林宥嘉喺微博撰文為丁文琪呼冤,否認對方係第三者:「上一段關係結束的原因,就是兩個人之間的問題,沒有誰是第三者,丁文琪小姐也當然不是。而我,一直都很重感情,無論在任何一段關係裏,我都是負責任的人。」雖然有圖有真相,但林宥嘉依然唔認丁文琪嘅女友地位,難怪有網民留言揶揄:「都這樣了你還不願意給丁小姐一個名份,果然好負責任,好有擔當。」


■兩人跑完步後就雙雙上車返屋企。台灣《壹週刊》圖片


■G.E.M.(微博圖片)

被網民揶揄

馮仁昭問番G.E.M.有乜感受?佢話:「唔回應。」林宥嘉後日喺紅館開騷,問會唔會捧場?G.E.M.話:「唔會。」擺明不屑再提呢位舊愛,仲喺微博擺咗九年前嘅舊筆記本,寫咗幾百字「我好掛住你」圍住「YIN」呢嗰名,唔知「YIN」係咪佢初戀男友呢?
撰文:馮仁昭

    全站熱搜

    tvb4life 發表在 痞客邦 留言(0) 人氣()