狄波拉 鬍鬚Kong 返老還童IFC拍拖

你以為行街睇戲食飯,行行商場咁又一日,係十幾廿歲小朋友青春少年時專利?你咁諗,就實在係大錯特錯喇!好姨早兩日就係中環 IFC 撞到謝霆鋒、謝婷婷老媽子,四哥謝賢前妻狄波拉(拉姑),拖住佢件第二春鬍鬚 Kong 一齊同遊 IFC,實行一於好似年輕人咁行街 shopping 睇戲再食飯,實在係心境年輕最緊要。

Ads by Google

話說回來,拉姑上個世紀 1973 年出道,出道短短 6 年就嫁俾當年風流倜儻、情場殺手級四哥謝賢,成為對方第二任老婆。咦,你唔知謝賢之前結過婚架?佢第一任老婆甄珍,咪俾當時撬牆腳劉家昌搶,佢兩個後來仲生個做緊歌手劉子千,即係唱《唸你》剩係識得用喉嚨聲個位呢!講番拉姑,佢當年正值大紅時候,嫁俾四哥一陣就生霆鋒,對於現今呢個娛樂圈講,咁大犧牲都算係匪夷所思。

不過咁大犧牲,到頭來都係離婚收場。睇住多年老伴四哥繼續搵小妹妹,拉姑都應該慶幸今次遇人,身為退休飛機師鬍鬚 Kong 除睇得之外,財力都肯定有返咁上下,加上為人穩重,難怪拉姑 02 年同佢拉埋天窗。好姨見佢兩位 IFC 西班牙時裝店又睇衫,又去戲院買飛睇戲,仲好似係睇《美國隊長2》3D版添,做基本上同好姨與及男朋友仔們做無乜分別,見佢兩個種恩愛法,好姨都唔知老個係佢定係我。


image
 

    全站熱搜

    tvb4life 發表在 痞客邦 留言(0) 人氣()