豆腐花(黑豆$11、黃豆$10),豆漿(黑豆$8、黃豆$7)豆腐花滑得不得了,與豆漿一樣充滿豆香。黑豆更有補血功效,最啱女士們食用。 

庶民飯堂

人情味豆花 陳記自家製豆腐花美食店 地址:何文田梭椏道 5A地鋪  電話: 3489 2818

Ads by Google

一碗豆花是什麼味道?簡簡單單的豆味?何文田陳伯賣的豆花,卻讓人吃出百般滋味。陳伯年輕時隨父親挑着一桶豆花在街邊賣,成家立室後依然靠賣豆花養家。

 


日日新鮮包製招牌水餃和韭菜水餃,由切菜拌肉調味都親手做,即叫即煮唔會變腍身。 

02年,陳伯終於上鋪,卻在 09年被業主立案法團指控鋪位違法,食環署不斷票控,糾纏三年,最終黯然結業。附近街坊都好不捨,「我哋不停搵鋪,上個月舊街坊通知爸爸同區有間吉鋪,佢一睇就決定租。爸爸重提件事仲好勞氣,加上年紀大喇,少咗落鋪頭,唯有靠我同阿哥細佬嚟幫手。」三女 BoBo為新鋪做室內設計,「陳記」新招牌上多了個單車圖案,「係爸爸以前踩單車賣豆花的剪影。」話中充滿溫情。 BoBo正學習入貨之類的樓面工作,而真正在廚房掌舵的是陳媽媽。

 

鋪頭重開後,招牌豆花豆漿當然唔少得,但新鋪比舊鋪大了一倍,亦要增加菜式如水餃、潮州粥等,「晚上十一點收鋪,第二朝六點,媽咪就到黃大仙街市買材料,包水餃嘅豬肉、菜成廿幾斤重,但佢話要親手揀過先夠靚。」陳媽媽包製的潮州糉子,有紅豆、花生、大件肥豬肉,餡料十足才賣十五元。「媽咪話做街坊生意,價錢一定要公道。」餐廳所有食物都不留隔夜,豆漿豆花、餃子更要分上下午兩轉做,保證新鮮。 BoBo一家人在店內,做到冇停手,只有街坊來閒聊時才有時間抖一抖。閒聊時的那份人情味,卻是其他鋪找不到的親厚。


潮州鹹肉糉$15糯米混了花生、紅豆,蒸得夠晒軟綿,餡料有冬菇、蝦米和大大件的肥豬肉,充滿脂香。 

招牌水餃$25/6粒豬肉、大白菜、韭菜等餡料滿滿的,配上豬骨湯底,清甜無味精。咖喱汁豬皮蘿蔔$10/碗咖喱汁不太辣,好香好惹味,蘿蔔入味豬皮爽口。 

 

陳記自家製豆腐花美食店
地址:何文田梭椏道 5A地鋪 
電話: 3489 2818
營業時間: 9am-11pm




撰文:吳韻菁
攝影:胡春輝
mailto:hotpot@nextmedia.com

    全站熱搜

    tvb4life 發表在 痞客邦 留言(0) 人氣()