楊玉梅閒時常常下廚,餐牌上的幾道菜如乾撈麵、胡椒蝦亦難不倒她。 

常餐以外

我就係老闆【楊玉梅:我想拍戲攞獎】Bugis Corner大蝦干撈專門店 地址:尖沙咀河內道 18號 K11地庫 2樓 B232號鋪 電話: 3160 8499

Ads by Google

Bugis Corner屬別府飲食集團旗下,前亞姐楊玉梅( Strawberry)係老闆之一。身為整個飲食集團的董事,有否打算完全退出娛樂圈?「啱啱相反,我想放更多心機落演藝事業,而家拍緊微電影。始終出身於演藝界,好想喺呢方面獲得認同。」從商的女強人,最戀戀不捨的,還是台下掌聲。

 

Strawberry仍舊搶鏡,商場不少途人經過時都望到實。她開過日本菜、泰菜、法國菜等,睇準香港人同新加坡人口味相若,今次搞搞新意思,引入新加坡菜。「我同團隊一齊去新加坡,試勻街市、小餐館、酒店地道美食,高薪挖角新加坡酒店大廚坐鎮。既然做,就要做得地道。」除了廚師,星洲特產黑豉油、胡椒、藥材等食材亦直接購自新加坡,因食材在不同地區種植,味道會稍為不同。例如 Strawberry推介的星洲黑胡椒蝦,必定要用新加坡胡椒來爆炒才夠辛香惹味。
新鋪開張時,圈中好友不停約 Strawberry到餐廳試菜,老闆娘閒時喜歡下廚,不捨得幕前演出之餘,飲食事業亦很上心。


大蝦乾撈麵$78大蝦以蝦湯煮熟,更有鮮味。醬汁用蝦頭、茄膏、中芹等熬成,福建扁麵有嚼勁之餘,盡吸醬汁精華。 

迷你肉骨茶$38川芎、桂皮、胡椒等藥材均來自新加坡。肉骨茶藥材味濃郁但沒有苦味,排骨亦軟腍入味。 

星洲黑胡椒蝦$168虎蝦先炸至半熟,再以牛油、黑胡椒、黑豉油和甜醬爆香。蝦肉彈牙爽口,醬汁用來佐飯一流。 

海南雞飯$68原隻三皇雞用湯浸熟,肉質爽滑。味飯拌入香料、雞油等,另附上清甜的冬瓜清雞湯。 

Bugis Corner大蝦干撈專門店

地址:尖沙咀河內道 18號 K11地庫 2樓 B232號鋪
電話: 3160 8499
營業時間: 11:30am-10:30pm
泊車:平日消費滿$300,或假日消費滿$800,可免費於 K11泊車 2小時


餐廳座位闊落舒服,牆上以百葉木簾和新加坡街景照片裝飾,滲透星洲地道感覺。 

藝員老闆成功例子  Oscar生煎包

前歌手 Oscar(蕭潤邦)於上海當模特兒期間,愛上生煎包,飛到上海拜師學整包。 2010年在旺角開設正宗上海生煎皇,親自在廚房內煎包,鋪面細只做外賣,一樣人氣高企。去年 1月在旺角開新店,擴充至八百呎,加設座位堂食,增加十幾款小食及涼菜,定價平,繼續走街坊路線。

上海生煎皇

地址:旺角豉油街 72號地下
電話: 2323 2374
營業時間: 12nn-12mn

港姐鐵板燒

港姐陳庭欣唔只做飲食節目主持,早前同朋友合資逾 200萬,在銅鑼灣開設高檔日本餐廳,主打鐵板燒。店鋪選址日本食店集中的登龍街,裝潢由她設計,格局輕鬆舒服,供應鐵板燒以及新派和食,庭欣不時會落鋪試菜。

Bosco進駐九龍城

近期最成功的餐廳老闆,點少得 Bosco黃宗澤?先在南角道開蠔吧 OysterMine,隔幾個月就喺旁邊開甜品店笑甜甜,比一般甜品店寬敞舒服,主打椰皇法式焦糖燉蛋、 Asahi啤酒雪糕等新派甜品,水準不錯。

OysterMine

地址:九龍城南角道 57號地下
電話: 2382 8234
營業時間: 6pm-12:30am

笑甜甜

地址:九龍城南角道 47號地下
電話: 2716 2928
營業時間:星期一至五 5pm-12mn
星期六、日 3pm-1am

JaGa Dining Room

地址:銅鑼灣登龍街 28號永光中心 8樓
電話: 2866 6489
營業時間: 12nn-3pm, 6pm-11pm


    全站熱搜

    tvb4life 發表在 痞客邦 留言(0) 人氣()