澤鋒和港視的藝員合約已完,現為自由身,他相信「娛樂圈冇永遠嘅敵人,亦冇永遠嘅朋友」,會否回巢大台,一切隨緣,但再三強調:我唔會退出! 

常餐以外

我就係老闆【黃澤鋒:光明來臨之前必然黑暗】flavor 地址:西貢海傍街 43-45號地下 電話: 2392 3123

Ads by Google

離開工作 24年的大台,於 12年跳槽去港視,電視台開台無期,黃澤鋒約滿回復自由身,暫時專注生意:「萬事起頭難,新鋪啱啱開,我日日都喺度,希望俾大家貼心服務。我十幾年前開過火鍋店麻辣小喇叭,幾受歡迎但沙士時期執咗。做生意過程總會有阻滯,老闆角色就要不停解決問題,我的強項係同人溝通,而家招呼客人、介紹菜式,啱晒我。

 

「我每日瞓四、五個鐘就夠,今年 47歲,要用盡所有時間,享受工作。餐廳之外,我仲會教拳、教戲、拍微電影,人生總有低潮,唔係樣樣嘢你都控制到,我成日同個天講,光明嘅來臨,必然之前係黑暗。冇劇拍冇收入,有啲舊同事要揸的士養家,但我冇灰心,我相信電視台一定會開,問題只係幾時,呢一刻最緊要裝備好自己。」
澤鋒怕悶的性格,加上永不放棄的正能量,積極面對挫折,開開心心籌備新餐廳:「我廿幾年前拍第一部戲就係喺西貢,呢度海邊環境好舒服,呢區冇地中海菜,我哋團隊有葡國人,廚師從愛爾蘭同澳門請來,做葡國菜同地中海菜很正宗。 Cafe供應全日早餐、葡國小食之類,二樓的私房菜以地中海式炮製新鮮海鮮,開餐廳都好有滿足感,我唔會退休!」


希臘沙律$78有羊奶芝士、三色甜椒伴黑醋汁,清新開胃。 

美式全日早餐$128澤鋒說潮流興食 all day breakfast,店裡供應英式及美式兩種,分量大,另包橙汁及咖啡。柯打一客,坐在室外對住海邊慢慢吃。 

葡式牛肉三文治$60暱稱為「洋狗」,以皮脆軟身的豬仔包,包着入味的牛扒,襯杯葡萄牙啤酒,爽! 

木糠布甸$36其中一位大廚在澳門工作逾十年,小食至甜品都有葡國選擇,木糠布甸不太甜,眨眼吃掉一客。 

flavor

地址:西貢海傍街 43-45號地下
電話: 2392 3123
營業時間:星期一至四 11am-9pm,星期五至日 10am-9pm
泊車:萬年街咪錶位$8/小時
注:私房菜須於三日前預訂




撰文:黎狄敏、吳韻菁
攝影:陳偉傑、譚俊軒

    全站熱搜

    tvb4life 發表在 痞客邦 留言(0) 人氣()