李思欣 5月約滿無綫,同老公范振鋒密密搞生意,最近和朋友合資於銅鑼灣開設日本料理及火鍋店,雖然非豪裝,但佔據大廈三層兼有專用𨋢,算有規模。李思欣服裝: Caramelvogue 

常餐以外

我就係老闆【李思欣:大台好有誠意叫我走】樂屋日本料理/紅館精品火鍋 地址:銅鑼灣駱克道 447-449號中威商業大廈 1-3樓 電話: 2893 6663(樂屋)、 2893 9883(紅館)

Ads by Google

小環在銅鑼灣開小食檔,由港姐變成篤魚蛋阿姐,折返凡間,反而贏得掌聲,個個奉上真金白銀幫襯番串魚蛋。
賣魚蛋賣到有全港市民加油打氣,真係要多謝一台獨大,積累下來的怨氣,遇上勵志故事即刻轉化為正能量。
電視發牌風波,唔只市民冇得揀,一班電視台打工仔,更加前路茫茫。放下面子卸下光環,街邊叫賣又好,入股餐廳做個老闆仔都好,藝員明星不甘再被動聽命,靠自己雙手闖出一條路,就算贏輸仍是未知之數,敢踏出創業第一步,掌握自己前途,自己話事,總比做個冇人重視的打工仔好!

 


思欣雖然不會日日落鋪,但老公本身亦開設火鍋及日本料理,有經營食肆經驗。 

TVB封殺壹傳媒,現時仍是無綫藝員的李思欣卻偷步接受訪問:「其實我上個月已公布唔再續約, 5月底約滿就離開做了九年的公司。」 04年演藝學院畢業後加入無綫,李思欣工作量不算多:「公司都有栽培我,行街有人叫得出我個名,好有滿足感。我好想繼續做,不過近年工作少,啲人以為我結婚後淡出,其實冇咁嘅事!做藝員真係好被動,等 job、等人聯絡,好嘥時間。試過主動爭取,但係當你等足九個月先有劇開,真係好冇安全感。」長久的等待變成推動力,思欣早已積極搞生意:「我有賣鑽石,修讀珠寶鑑證課程充實自己,亦同老公開製作公司,仲傾緊保齡球場,多線發展。」
專心做老闆娘,放棄幕前?「幕前始終是自己的夢想,我都想繼續拍劇和做主持。離開大公司係因為續約時,打電話嚟傾續約的同事,連我個名都叫錯,佢同我講年年有好多新人出道,出面都幾好吖。我年紀唔細,今年工作少,有人工加但唔夠幾百,咁佢好有誠意叫我走,所以決定自己試吓。」
新店開在駱克道,佔大廈三層:「朋友開火鍋和日本菜,俾優惠價我們入股,我負責推廣,有時約朋友嚟食飯,招呼吓客人。一樓是日本料理,菜式較大路,有啲抵食的推廣。二樓是火鍋,三樓全層是 VIP房,北海道牛乳花膠鍋好啱女士,我哋又有西班牙豚肉同蝴蝶腩,照顧唔食牛的朋友。」介紹有紋有路,老闆娘范太的推廣工作稱職,餐廳定價不貴,值得支持。

 

 


龍蝦刺身拼盤$398原隻波士頓龍蝦,配以油甘魚、北寄貝、八爪魚、帶子及三文魚,吃完刺身後,龍蝦頭用來炮製龍蝦粥,分量十足。 

鵝肝手卷$48日本餐廳供應多款特價菜式,鵝肝燒得油香誘人,抵食! 

絲鱲魚$148游水鱲魚做活魚刺身,薄切之外,另加魚骨熬製魚湯兩碗,夠兩位用。

重慶麻辣雞煲$198由雞煲店請來大廚炮製,用上四川辣椒、花椒八角等多種藥材,非常惹味。 

火鍋店有不少自家製配料,推介帶子鮮蝦餃(前)$72、鵝肝蝦丸(中)$88及黑松露墨魚丸(後)$88,質感夠爽。 

樂屋日本料理/紅館精品火鍋

地址:銅鑼灣駱克道 447-449號中威商業大廈 1-3樓
電話: 2893 6663(樂屋)、 2893 9883(紅館)
營業時間: 6pm-3am( 10pm後正價食品七折)
泊車:代客泊車$60





撰文:黎狄敏、吳韻菁
攝影:陳偉傑、譚俊軒

    全站熱搜

    tvb4life 發表在 痞客邦 留言(0) 人氣()