六年前就哭訴過銀行結餘不足 50元,江若琳下月約滿寰宇,再指十年零收入,拒絕與寰宇續約。 

封面

微信回覆 每月墊支 3萬 3 碌阿媽附屬咭 江若琳:蛋糕錢都同我計

提名過去年金像獎「最佳女主角」、內地拍劇酬勞 200萬人仔,有價有市有資歷,不過捱足十年莫講冇樓揸手、冇錢過手,零積蓄仲倒爭公司 200萬,難怪 10年生約一到期, 26歲江若琳寧願對薄公堂都唔願續約寰宇。
老闆林小明唔認冇糧出,不過本刊獲悉收入六成被公司抽起,出碟開騷,甚至員工伙食,就連祝捷會蛋糕都實報實銷入江若琳數,每月墊支 3萬 3的生活費亦遲早計數要還,難怪慘情江若琳要靠碌阿媽附屬咭過活!

Ads by Google

旗下藝人李彩華、梁俊一,甚至小強阮民安都先後解約,今次終於輪到江若琳。上週五( 18日),寰宇老闆林小明向電台節目承認,於兩星期前收到旗下藝人江若琳委託律師行發出的律師信,要求與經理人公司解約。 16歲就簽約寰宇,一直都表現得忠心耿耿與老闆同一陣線,原來江若琳一直忍氣吞聲,下月 2日,十年死約終於到期,原本打算把官司低調處理,但無奈被迫引爆。


04年、原名江玲的江若琳(左), 16歲參加寰宇電視劇《伙頭智多星》選角入行,與寰宇簽下十年死約、五年生約。《蘋果日報》圖片 

江若琳話十年死約完約、林小明則堅持還有五年生約未履行,各執一詞。《蘋果日報》圖片 

開工梳化同員工伙食樣樣都向藝人 claim外,據悉連 07年的唱片祝捷會,適逢林小明生日,公司買來蛋糕慶祝,點知事後 claim番江若琳,唔嬲就假。 

本週一,江若琳透過微信否認土豪撐腰傳聞。 

阿媽勸退出

林小明接受商台《 1圈圈》電話訪問時,表示對收到律師信感到詫異,又認為江若琳年紀輕,此舉是受人唆擺。
外間有指江背後有土豪撐腰,週一( 21日)江若琳透過電話短訊回覆本刊,由於牽涉法律程序,解約內情不便透露,不過就堅決否認有內地土豪撐腰。
知情人士說:「江媽媽教書出身,一直想個女讀多啲書,但係 Elanne真係鍾意唱歌做戲,當年先會幫個女簽約。點知做咗十年,捱到周身都係傷,仲要完全冇錢搵到,江媽媽覺得好肉赤同埋信錯人,所以今次好堅持叫 Elanne同寰宇解約,唔想佢繼續做,趁後生讀番書。」


入行十年,簡單一個自置 800呎物業的願望還未能實現,江若琳現時仍然租住北角百福花園單位與母親同住。《蘋果日報》圖片 


從年初已經開始醞釀離開寰宇,江若琳的個人社交網絡亦不時出現「重新出發」、「自我綑綁太久」等字眼。 

18/4上週五林小明接受電台訪問否認江若琳十年零收入後,江若琳即在社交網絡上載《名偵探柯南》截圖反擊。 

貼錢開工


羅嘉良、李彩華曾經都是寰宇旗下藝人,不過先後離巢,趙雪英更透露前藝人梁俊一被不公平合約搞到患上情緒病。《壹週刊》圖片 

08年被傳是小三,導致林小明與趙雪英離婚時,江若琳曾經拿出結餘僅得五十多元的銀行簿仔力證清白,冇受「照顧」。
六年過去,江若琳一早北上拍劇賺人仔,又升呢提名金像影后,原來實際收入仍然沒有增長。「每個 Job公司抽佣抽六成, Elanne每次接 Job只係實收四成酬勞,再加公司每個月三萬三底薪,照計梗係夠錢用。不過梳化、衣服、排舞、練歌、租車、 dancer錢全部入佢數,簽唱片公司之前,出碟、開演唱會,由租錄音室、製作費、拍封面、拍 MV又係入 Elanne數,連每月 3萬 3其實都係墊支費,要還㗎!所以佢啲酬勞被公司扣晒找數都唔夠用, 10年埋單仲爭公司差唔多 200萬。」
江若琳曾向身邊好友大呻︰「大數都算,連啲細數,好似公司文具都要貼,最離譜係 07年唱片祝捷會,畀記者影相個蛋糕都同我計!所以賺幾多都唔夠還,唔想條數愈滾愈大,出去做嘢同同事食飯寧願即俾,費事又計落條大數,好彩咁多年嚟,都袋住媽咪張附屬咭。」

趙雪英:預咗呢日!


週一( 21日),前林太趙雪英通過電話回應:「兩個都唔幫,不過林小明仲衰過佢。」她更說當年梁俊一(曾演《旺角黑夜》),曾托蔡少芬和王祖藍向她求救,要和寰宇解約。 

下月 2日與寰宇的十年死約正式屆滿,林小明表示當年雙方合約是十年死、五年生,死約滿後,續約優先權在寰宇一方,但江若琳則堅持不願再次續約。週一記者致電江若琳,她拒絕回應,不過就再次以短訊回覆,強調十年零收入:「現時我真的不便回應太多,我只能夠說,一個賺過千萬,但十年來一毫子也沒有分到過的藝人,向公司申請生活費,到底是墊支還是酬金,我不知道怎界定了。」
至於十年前一手發掘江若琳的前老闆娘趙雪英,則在電話回應說一早料到有呢一日:「我離開咗公司咁耐,佢哋嘅合約有冇變化我真係唔知,但我一早估到會有呢一日。其實 08、 09年梁俊一(前寰宇藝人)都向我求救,請我幫佢搞掂份合約,佢都搞到又抑鬱又有情緒病。我係唔鍾意江若琳,不過林小明就仲衰過佢!」前妻趙雪英的評語可圈可點!

傷痕累累

話就話寰宇一姐、林小明愛將,其實十年來江若琳不止付出與實際收入不成正比,更捱得一身傷,江母因此肉赤極力支持女兒退出。


磨損10年 1月為籌備處女個唱,一人飛往韓國學舞又勤為演唱會排舞,結果手腳紛紛擦傷磨損。《忽然 1周》圖片 

腰傷11年 2月金像獎因為《高舉愛》演出首獲影后提名,其實拍攝時訓練舉重,江若琳就曾經被啞鈴擊中腰背送院。《壹週刊》圖片 

墮馬11年 5月由寰宇投資的劇集《巾幗大將軍》在敦煌拍攝期間,江若琳墮馬後再被馬蹄踢到大腿,要送院檢查。

白做 10年欠 200萬

 


為拍《高舉愛》,江若琳增肥三十磅又狂練舉重搞到周身傷,任勞任怨賺得影后提名。《壹週刊》圖片 

11年加入星煥娛樂成為合約歌星前,江若琳的所有唱片製作及宣傳費用亦由自己負擔。 

近年江若琳才頻頻出現品牌活動,如年初的 Vivienne Westwood晚宴,據悉正是江若琳主動向公司提出增加曝光及提升形象。 

去年 4月仍受寰宇力捧的江若琳,憑《高舉愛》被提名「香港電影金像獎最佳女主角」,輸給《春嬌與志明》的楊千嬅。 

數字遊戲

04年 16歲簽約寰宇至今十年,江若琳自稱為公司賺過千萬,自己一毫子冇得分。其實十年以來,江若琳密密做,收入應不止千萬。


大陸劇 320萬未計為無綫拍攝的《學警狙擊》和《洪武三十二》,及內地偶像劇《愛閃亮》,江若琳曾經透露《巾幗大將軍》每集酬勞 10萬、共拍 32集,一套劇已賺 320萬。網上圖片 

代言 300萬身為 Neutrogena、 Dr Pro及蒙娜麗莎婚紗代言人,江若琳的廣告酬勞亦早過七位數字,保守估計收入過三百萬。 

電影 750萬出道時首部作品《 17歲的夏天》酬勞僅得數千元,其後江若琳已經套套擔正做女主角,出道十年作品 15套。 

活動、登台約 100萬能唱能演、形象亦健康,近年江若琳的品牌活動愈接愈多,年初亦透露獲六位數字酬勞飛至拉斯維加斯登台。 

採訪、撰文:娛樂組
攝影:攝影組

全站熱搜

tvb4life 發表在 痞客邦 留言(0) 人氣()