遇舊愛Julio大方合照 區文詩向男友備案

餅碎區文詩(Angela)與Soler的大孖Julio分手多年,兩人前晚在婚宴門口再度「狹路相逢」,當記者要求兩人合照時,終於「冰釋前嫌」大方合照,更有傾有講。問到Angela與舊愛見面會否感到尷尬?她說:「唔會,大家都係成年人,我哋好幾年冇見,之前公開場合都有見過,但嗰啲好多人,撞到正都係第一次。」

Ads by Google


不歡而散的Julio(左)和區文詩,冰釋前嫌大方合照。

續問Angela有否向男友備案?她說:「我有講聲畀佢聽,不過男朋友有啲嘢做,佢同個新郎哥淨係見過一兩次咋。」她指自己未有婚期,因為要先等Stephy(鄧麗欣)結婚,又自爆看報紙以為Stephy已婚,令她要向Stephy求證,更因此激嬲Stephy。

細佬澄清撐阿哥

另一方面,Soler的細孖Dino有向新人傳授夫妻相處之道,問到有沒有向哥哥Julio教路?他即澄清說:「我哥好叻,唔使教,好多人拎佢出嚟講,歪曲晒,我好心痛,仲喊過。其實係一場誤會,我要澄清我哥係好人,係一個君子,好多嘢係佢教我,有時我同我老婆有拗撬,都係佢幫我解決。」


羅敏莊盛裝出席朋友的婚宴。

許懷欣(左)難得與Soler聚頭,愛靚三人組自拍後即時查看照片。

問到Julio有否覺得能醫不自醫?他說:「都有少少,不過好多嘢都控制唔到。」

文:音樂組

    全站熱搜

    tvb4life 發表在 痞客邦 留言(0) 人氣()