蔣家旻第一次冇咗 照擺兩圍

蔣家旻首次提名角逐今屆金像獎「最佳新演員」獎,可惜名落孫山,她表示雖然「第一次」失手,但仍會擺兩圍請《愛•回家》演員食飯答謝他們的支持。劉丹則透露新抱楊冪為避傳媒採訪,寧願留在家中「求神拜佛」。



蔣家旻兔女郎look迎復活節。

Ads by Google

蔣家旻、楊卓娜、莊思明、羅天宇、劉丹、姚瑩瑩等昨日到馬鞍山為無綫處境劇《愛•回家》宣傳,姚瑩瑩還帶同可愛兒子亮相,她笑言為兒子安排復活節節目而大感頭痛。

莊思明恨拍戲

蔣家旻憑電影《第一次不是你》失落金像獎「最佳新演員」,她表示沒有失望:「蔡瀚億個勢真係好勁,唔緊要,都會請大家食飯多謝大家支持,兩圍到啫,OK嘅。」蔣家旻透露暫時未有新戲接拍,《愛•回家》添食後亦要拍到年底,希望稍後會再有導演邀請拍戲。莊思明也羨慕蔣家旻可以拍電影,問到她為何不向家姐莊思敏的緋聞男友導演葉念琛埋手?她笑說:「都見過佢,係囉又唔搵我拍喎。」


劉丹與莊思明(左)、蔣家旻現身商場活動。

《愛•回家》一眾演員與粉絲玩遊戲。

姚瑩瑩與寶貝仔鬥擺chok甫士。
在家求神拜佛

劉丹對於被雜誌指怕了惡新抱楊冪而離家出走去打波,他回應說:「得啖笑啦,雜誌亂咁寫,我哋相處得好開心,新抱仲講笑話都唔知自己原來咁惡。其實新抱講句嘢都陰聲細氣,邊惡得出樣呀。」他又透露楊冪在家安心養胎,預產期六月尾,劉丹說:「佢係好虔誠佛教徒,早晚都會做功課念佛。樓下成日有兩三架採訪車等佢,所以佢都費事出街。(等新居裝修好就搬出?)依家阿威(劉愷威)唔喺香港,等阿威五月返嚟,佢哋鍾意住邊都得啦,冇乜所謂。」劉丹又謂已知孫兒是男還是女,但要保持神秘,現諗緊改名,好大責任。

採訪:影視組

    全站熱搜

    tvb4life 發表在 痞客邦 留言(0) 人氣()