江若琳 自稱10年冇收入 林小明:佢啲錢邊度嚟?江若琳:十年白做 林小明:佢無權解約

江若琳昨日被《好報》驚爆與經理人公司寰宇「反枱」,零預警擲下律師信求解約,令力捧她逾十年的老闆林小明震怒。據知江若琳曾要求公司墊支50萬元,她昨日承認此事,但又自稱「10年來1毫子收入都冇分過」!林小明則反問她平日生活「錢從何來」,並強調:「我哋係上市公司,每條數都好清楚!」


江若琳被指有內地土豪撐腰,才敢與寰宇「反枱」。(資料圖片)

Ads by Google

昨日《好報》獨家報道江若琳與合作將踏入11年、一直力捧她的寰宇鬧翻。有傳女方因有內地土豪撐腰,在零商量下向寰宇發出律師信要求解約,令一向力捧她的寰宇老闆林小明既詫異又震怒!據知,江若琳與寰宇簽下15年合約,首10年為死約,之後5年寰宇則有使用權,即是寰宇若想繼續與她合作,女方是不能推辭,除非寰宇放棄此權利才可回復自由身。據悉,江若琳曾要求寰宇墊支酬金,金額達50萬元。

要求墊支50萬

昨日記者致電林小明,他承認公司曾墊支50萬元予江若琳:「係舊年嘅事,總之佢話有需要,咁咪借囉,公司幫助佢冇手軟。」至於合約問題,他說:「呢件事從法律途徑解決。」但他承認希望能和平解決:「件事已經交畀律師,唔可以透露太多。不過我個人係想和平解決,一直都有咁嘅心態。」對於江若琳突然「反枱」,他稱昨日雙方仍未溝通:「呢件事好突然,過年時有見面,完全冇先兆。」


今期《好報》踢爆江若琳突然發律師信予寰宇要求解約。

林小明雖然對江若琳感失望,但仍盼女方「回頭是岸」。(資料圖片)

寰宇一直力捧江若琳,曾開拍《高舉.愛》令她提名「最佳女主角」。

而江若琳昨日透過短訊回覆:「我對呢件事沒有甚麼回應了,只能說我是完成合約,而不是解約,而現在所有事交畀律師處理啦!」對於要求寰宇墊支一事,她再以短訊稱:「我只能夠說,一個賺過千萬,但十年來一毫子收入也沒有分到過的藝人,向公司申請生活費,到底是借支還是酬金,我不知道怎介(界)定了……」

「想佢快啲醒」

對於江若琳自稱10年來分唔到1毫子收入,林小明在電話中說:「如果冇生活費,就一早過唔到生活啦,佢買車、食飯、租屋啲錢邊度嚟?咁講會唔會係因為佢收入唔夠支出多,代表我哋墊支好多畀佢?」他續稱:「佢舊年問公司借時,想佢媽咪安心所以我哋借畀佢,會喺佢嘅工作酬金扣番。每3個月都有Statement(結數單)畀佢簽,佢都清楚而且有簽。我哋係上市公司,每條數都好清楚。」問他是否對江若琳很失望?他仍願給對方機會:「可能佢受人唆擺,年紀又輕,所以作出錯誤決定。佢到2014年5月死約先完結,如果我哋唔捧佢,唔會2011年同佢開個唱,2012年同佢開《高舉.愛》,同年開多套投資5,000萬嘅劇畀佢做女主角,2013年就收成。如果唔捧佢唔會咁樣做,只係想佢快啲醒,盡快好好工作。」

文:專案組

江若琳:十年白做
林小明:佢無權解約

#video_player{width:100%;height:100%;}


■江若琳下月約滿寰宇,但卻欠公司大筆錢。
資料圖片

江若琳下月初與寰宇的十年死約結束,有指她決定離巢外闖。奉獻了十年青春,對她來說有得有失,最近有報道指江若琳突然向公司發律師信解約,並指江若琳不時要公司墊支,去年中老闆林小明才給她50萬,但料不到這筆錢令賓主昨日隔空開拖。
江若琳指藝人表面風光,平日化妝、髮型和租車等雜項甚多,最終真正落袋少,江若琳昨日在電話中說:「當日50萬係林先生(林小明)提出,我十年裏賺錢超過千萬,一毫子都冇收到,呢十年媽咪好擔心,見我捱更抵夜咁工作都冇收入,多次向公司提出疑問,點解十年可以零收入。林生提議不如將50萬放喺我銀行戶口度,咁我可以同媽咪交代我係有收入。林先生主動提出借我50萬,但我媽咪以後唔能夠再干涉我任何工作。」
經過半年,問到江若琳是否花光那50萬?她說:「一蚊都冇動用過。」50萬到底是薪酬還是墊支?她說:「我好難界定,我10年冇收入,每月靠公司墊支生活費,全部要還。」江若琳拒透露每月獲公司墊支金額數目,下月約滿仍欠寰宇一筆欠款,她說:「涉及金錢嘅嘢,我交咗畀律師處理。」


■林小明(右)指公司用很多資源去捧江若琳。
資料圖片


■當年江若琳(左一)憑《伙頭智多星》女主角選拔而加盟寰宇,一簽就是15年約。
資料圖片

「靠公司墊支生活費」

寰宇老闆林小明指江若琳合約下月未滿,他昨日回應:「江若琳同寰宇簽咗15年約,十年死約,其餘五年係由公司決定續唔續,如果要續,藝人本身係無權反對,佢𠵱家突然畀封信要解約,我哋唔同意當然解唔成,公司用咗資源去捧佢,𠵱家好咗就話要走,係咪好唔尊重合約精神。至於畀佢阿媽嗰50萬,係因為我同佢傾15年約滿後,再加簽五年,佢就話想阿媽可以安心,所以就要求我墊支50萬畀佢阿媽揸手,佢將件事講成咁,我有啲嬲。」
採訪:陳杰

    全站熱搜

    tvb4life 發表在 痞客邦 留言(0) 人氣()