「超滑布拉腸」:「所有腸粉,全部人手製作,即叫即做。」葱花蝦米腸$19 真係好滑,好滑,好薄,但無米香味,淨得個滑字,咁佢又無錯噃,佢話超滑無話超香吖!好客緣有啲好奇怪嘅腸如「立」腸膶腸腸$28 唔好食,因為臘味唔靚,但咁佢又無話臘腸,佢話「立」腸啫! 

So Comment

得個平字 好客緣(丙)好客緣 地址:佐敦文蔚街 8號 電話: 2770 2699

Ads by Google

香港人?九龍人?新界人?
都唔話大陸人、香港人。就算自己係香港人都有分香港、九龍人、新界人!我從小在跑馬地大,我常誇口,喺跑馬地唔帶錢出街,都可以買到餸,食得飽飽,洗埋衫,買埋報紙,仲可以拎一千幾百返屋企。喺跑馬地大家睇住大家大,走得去邊?!
自搬去西貢,有一日同司機講,我住同工作都喺九龍,點解我成日都喺香港食飯嘅?!上年介紹完一輪元朗,我決心要發掘吓九龍有乜好食。我自己都有偏見,總覺得香港嘢係好食啲。喺九龍想搵間好食嘅雲吞麵鋪都唔容易!莫非我真的係一個 typical香港「香港人」?!

佐敦夜市

文乜樓、文物樓的佐敦區,夜晚真熱鬧,車都未轉入去,已經可以聞到 BBQ味,當然少不了火鍋、日本菜……街邊坐滿人嘅糖水以及我認為全港最正嘅腸粉店「堂記」啦,「糖水檔」嘅菜乾豬骨粥好正的!朋友住在這,話我知仲有間腸粉仲正呀。當然就去見識吓啦。

好客緣

兩公婆+狗
生意愈來愈好,兩公婆+狗+老爺奶奶,主要係兩公婆煮。

食物

 


皮蛋雞蛋腸$28 喺廣州都有得食,皮蛋切碎混在蛋中,唔錯的。可惜「好客緣」嘅皮蛋切得好大嚿,仲雞蛋還雞蛋,皮蛋還皮蛋。食皮蛋嗰啖還 OK,但食雞蛋嗰啖就淡而無味。 

朋友見樣衰衰,立即叫碟 normal的炸兩$19,我問好食呀?朋友話好食呀,我想叫除咗怕佢唔好食,最重要係要等好耐。朋友話啲油炸鬼脆㗎!等了良久,脆你個頭,油炸鬼係腍的!是食過最難食嘅炸兩之一。如果以腸粉同「堂記」相比,「堂記」有八、九十分,「好客緣」只得五、六十分。「堂記」周老闆的成功,對自己的要求,真能人所不能,周老闆好嘢!!! 

粉果$15/3隻呢個反而幾好食,皮好靚,係潮州 style, homemade的,好阿媽 feel,好!

自家製蘿蔔糕$18/3片係嗰啲 cheap cheap涼茶鋪蘿蔔糕,但好味道。反而呢兩樣可以去試試。 

砂鍋蟹粥$70 粥唔係綿,而係落生粉嗰種杰,唔鍾意。 

炸鮮竹卷$15 油!油!油!拿起啲鮮竹卷,不但全張紙都係油,仍見到小小一窩油在紙上。

 

好彩平平哋,唔係會好嬲,因為又慢,又唔好食。我去等得「堂記」死心塌地,因為好食,係超好食,尤其魚片腸粉及豬膶腸粉。

 

好客緣
地址:佐敦文蔚街 8號
電話: 2770 2699

 

蘇施黃
資深電台人,天生異「口」,除了講嘢叻,食嘢同樣嘴刁,近年開咪、上電視做主持都不離教人食得精,吸引大批粉絲跟佢搵食。


攝影:蘇施黃 

    全站熱搜

    tvb4life 發表在 痞客邦 留言(0) 人氣()