真正冠軍相 

hot talk

金像獎　睇呢啲

金像獎又來了。本人不是戲迷及寫影評揾食，所以台上面六國大封相邊個捧獎，我就話之你啦！但台下嫩口新人火拼老薑花旦，身光頸靚明爭明鬥博 like，靚人靚衫誰出位？誰失手？我買定花生擔櫈仔重新翻案評審！

Ads by Google

鄭秀文 Roberto Cavalli晚裝裙
　

Sammi心口冇幾兩肉就惟有大露玉背，嗱，呢啲咪醒囉！ 

一頭短髮襯晚裝長裙，型到冇朋友的 Sammi，毋須 set頭 set髻都可以出得大場面。如果我係當晚評審，最佳衣著一定俾硬你。

陳慧琳 Emilio Pucci晚裝裙
　

側身半透視晚裝裙，高貴得嚟又可以 sell埋冷艷性感，人妻人媽的 Kelly，永冇失拖。

劉嘉玲 Ralph& Russo晚裝裙
　

我敢人頭博芋頭，睇怕都冇邊幾個女星，夠膽學嘉玲姐著呢條露出神秘三角的 leggings加晚裝裙出嚟行。

顏卓靈 alice+ olivia晚裝裙
　

露背長裙，性感得嚟圖案唔會過份老積，加埋啱年紀妝、髮，抵俾個 like佢啦！

衰邊瓣
　

唔怕得罪講句，話之你百萬行頭裝身，又或者山長水遠搵到件金鏤玉衣出戰吖，顧得腳來又顧唔到個髻，總會有啲嘢令到人睇唔過眼，唔信，你自己睇睇。

何韻詩 Givenchy晚裝裙
　

中門大開的設計，本來甚有睇頭，衰在詩姐沒有六呎高，盆骨突然下墜變成矮腳虎；仲有對黑色乸型高踭鞋，唔夠型呀！

湯唯 Escada晚裝裙
　

玫瑰印花晚裝裙本身就冇事，披頭散髮就踩上紅地氈，唔通啱啱洗完頭未吹得透？

章子怡 Armani Privé晚裝裙
　

樣子優雅、衣服優雅、長裙優雅、髮型優雅，加加埋埋係咪優雅得滯呢？

Angelababy Zuhair Murad晚裝裙
　

雖然攞到大會嘅最佳衣著，但係就衰在漏咗條殺人放火金腰帶，去突出腰線位置。

孟瑤
　

唔理你猛搖定猛撞，你條金都晚裝裙留番去彩龍大酒樓飲先著啦！

撰文：黃健華
協力： Nicola Lai