媽咪姐

CHANNEL大不同

想知近期潮流方向,留意啲名人、藝人就知喇!

Ads by Google

好似 7萬 8千蚊嘅 Chanel香水樽袋,喺 ball場都幾常見。不過真貨咁貴,有人就喺唔同嘅「 channel」,搵到賣 19蚊人仔嘅手機殼,都幾似樣㗎。圈中邊個拎真嘢、邊個撐假貨,睇吓先!

邱李茂琪物盡其用


咪睇呢個袋仔細細,都放到唔少嘢。邱李茂琪當日就裝咗一部電話、一個袋仔、大疊金牛同兩支唇膏,真係盡用空間喎! 

溥儀眼鏡老闆娘邱李茂琪,出名係 Chanel忠實擁躉。之前佢成身黑白打扮去飲,身上靚袋夠晒搶眼。

何超盈青春示範

賭王四太梁安琪近排咁潮,做女嘅何超盈點可以 out。身上件件名牌嘅超盈,早輪就孭住新袋襯春裝,去撐阿媽嘅保良活動,少女味濃呀!

翁嘉穗 ball場必備

靚太翁嘉穗依家甚少踏足 ball場,早輪佢出動見人,當然係時候騷吓新嘢。一身紅裙配呢個透明袋,簡單舒服,係膊上個結打得太大啫!

黃偉文潮男代表

拎靚袋唔係女士專利,時裝精黃偉文一早就喺微博騷過出嚟,佢嗰個係黑色款,又突出又有型。


山寨擁躉

李彩華 殼不離手
喺內地搵人仔嘅李彩華,平日鬼咁貴氣,十幾萬 Hermès不離手。最近佢嘅新寵就係呢個山寨手機殼,行又影企又影,連整頭都拎住自拍。

汪詩詩 帶去活動

宇宙最強太太汪詩詩,早輪都拎住呢個手機殼去公開活動,仲不避嫌高舉影相。不過,據知 Chanel未有推出呢款電話殼噃。

    全站熱搜

    tvb4life 發表在 痞客邦 留言(0) 人氣()