康堤喺台上表現淡定,仲一邊唱一邊有晒笑容㖭。 

媽咪姐

Eason囡囡初試堤 sing

做慈善嘅嘢,媽咪姐當然不遺餘力啦,啱啱過咗嘅周日( 13日),媽咪姐就去咗「饑饉三十」閉幕音樂會,出席嘅歌手有衞蘭、官恩娜同周柏豪等。不過睇睇吓,點解徐濠縈會喺度嘅?哦,原來佢個寶貝女陳康堤當日有份表演。

Ads by Google

當日由樂隊 Supper Moment同 Musical Kidz合唱團嘅小朋友一齊合唱〈世界變了樣〉,合唱團其中一位小朋友就係康堤喇。 9歲人仔嘅佢,上到台一啲都唔怯場,好有老竇風範喎。不過 Eason就話:「唔想俾太多壓力佢,今次係一件對小朋友好有意義嘅事,唔想變咗娛樂新聞。」
陪個女嚟嘅徐濠縈就話唔想搶大會風頭,所以唔肯同康堤合照又唔做訪問,全程匿喺後台。查實佢一頭紅髮,好難唔搶鏡囉。



唔想搶鏡嘅徐濠縈全程匿喺後台陪住個女,之但係佢個紅頭, sharp過晒身邊啲歌手喎。 

當日係衞蘭 32歲生日,大會準備咗蛋糕慶祝。衞蘭話生日願望係「搵到啱嘅對象」。其實計媽咪姐話,佢嘅願望應該係解咗個「不瘦降」,事關經常俾人話佢哋似樣嘅盧宛茵都瘦過衞蘭,真係大鑊!

    全站熱搜

    tvb4life 發表在 痞客邦 留言(0) 人氣()