忽然自 high成龍見到家輝,勁 high,唔知嘅,以為佢攞影帝㖭! 

媽咪姐

成龍速黐張家輝

媽咪姐知道,金像獎結果未公布,電影公司就預先為《激戰》、《掃毒》準備咗慶功,似乎一早對張家輝攞影帝信心十足。賤輝又真係不負眾望,二度封帝!

Ads by Google

劉偉強、成龍、古天樂同彭于晏等早早到達餐廳,同 happy到暈嘅家輝慶功。不過張影帝要接受訪問,搞咗成粒鐘先有時間入去同成班老闆打招呼。成龍即刻一枝箭上前抱抱,其他想去恭賀張影帝嘅明星、工作人員全部要讓路!又難怪大哥忽然咁熱情嘅,佢喺頒獎台上大大聲話自己拍咗 53年戲都未拎過獎,沾番啲旺氣,自我安慰吓都好。


家輝一入餐廳,成龍 9秒 9衝前攬攬,仲密斟咗幾句。 

慶完功,家輝仲同守候好耐嘅 fans影相,媽咪姐又聽到經理人鍾珍約咗老闆同家輝食 lunch傾新戲㖭。 

    全站熱搜

    tvb4life 發表在 痞客邦 留言(0) 人氣()