媽咪姐

忽然人物 張晉

Ads by Google

今期 hit爆嘅,除咗偽文豪,當然仲有張晉!佢憑《一代宗師》勇奪「最佳男配角」,喺台上話:「有人說我這輩子都要靠她,我可以告訴大家,沒錯,我這輩子的幸福就是要靠她。」令老婆蔡少芬爆出最開心嘅眼淚,媽咪姐睇到眼濕濕呀。

 

更難得嘅係,張晉無俾勝利衝昏頭腦,「每樣嘢都係一個經歷,總之開心囉……由今日開始,我都係朝早 6點起身送個女返學。」識揀嘅,梗係揀呢啲啦!姊妹們,你懂的。

繼續湊女

周一( 14日),啱啱慶完功,張晉瞌咗一陣,就揸車湊大女楚兒返學,送老婆蔡少芬返北京拍劇。睇片見佢鬼咁細心照顧囡囡落車,絕對係溫柔嘅爹哋。

 

39歲嘅張晉同 40歲嘅蔡少芬, 03年拍拖, 08年結婚,一直被指女尊男卑。張晉話:「不嬲都有(被人話靠老婆),由同佢一齊開始已經有……唔係話由嗰日(攞最佳男配角)開始就會冇,都已經習慣,我都唔會太在乎呢啲嘢。」咪係,只要兩公婆一齊笑到最後就 OK啦!

    全站熱搜

    tvb4life 發表在 痞客邦 留言(0) 人氣()