非港劇讀

《 Hotel King》爭奪戰 李多海孤身奮戰

韓劇如洪水,新劇浪接浪,而且卡士更套套有睇頭!
就講呢套《 Hotel King》,孭重飛嘅係自《大話妹》後,相隔 8年再合作嘅李多海同李東旭,再加組合 2AM成員任瑟雍,點都好過睇
木偶鼻同唔識做戲嘅 BB啦!
《 Hotel King》故事講李多海飾演嘅酒店繼承人,同酒店總經理李東旭展開酒店話事權嘅爭奪戰。

Ads by Google

06年,李多海同李東旭嘅《大話妹》創下 25%收視,喺當年嚟講,已經係韓國一個紀錄,兩人更被封為視壇「黃金組合」,人氣絕對可媲美現今《來自星星的你》嘅雙賢。可惜自此後,兩人再冇合作,李多海仲將主力放晒喺中國大陸狂搵人仔。事隔 8年,呢對「黃金組合」終於再度合作,聯手出擊,接拍 MBC製作嘅周末(周六、周日)劇《 Hotel King》。
李多海今次在《 Hotel King》因為飾演酒店太子女,所以被喻為韓版「 Paris Hilton」。今次佢演出《 Hotel King》可以話瞓晒身,單係第一集講佢為追查阿爸死因,扮完惡啃刁蠻小姐,又暗中學蜘蛛俠飛簷走壁設局,畫面夠晒豐富吸引。
《 Hotel King》於 4月 5號首播,第一集收視已有 11.7%,更有劇迷留言話:「第一集劇味已經出來了。」雖然有的誇張,不過對我哋煲劇迷嚟講,絕對好事,起碼有得揀,唔使踎喺屋企局睇大台嘅膠劇啦!


李多海跟李東旭於 2006年合作拍攝《大話妹》,事隔 8年,李東旭面口跟當年冇乜變化,最多話佢依家成熟咗,但李多海呢,厚道啲,最多話佢「女大十八變」囉! 

名牌掛帥Cartier Tank Solo手表 

 

 


Celine tiny mary眼鏡 

LG G pro2電話李多海喺《 Hotel King》入面嘅服飾雖然冇《來自星星》嘅全智賢咁誇張,但同樣都係件件名牌。 

喺第 3集出現由羅廣勳飾演嘅強國酒店大王王子欽,因衣着土豪,行為粗魯,俾中國網民指有辱中國人,要求劇組道歉。 

事實上第一集就係講李多海喺逃避追捕時,腳上穿嘅「走路」鞋竟然係老北京視為名貴嘅布鞋。 

故事大綱

七星級酒店 CIEL會長阿成元(崔尚勛飾)跳樓自殺後。會長女兒阿莫內(李多海飾)成為酒店繼承人,為守護酒店及追查父親之死真相,孤身奮戰。李東旭初時跟李多海對着幹,但洞悉事件真相後,即不顧危險跟陰險養父、酒店副社長李仲九(李德華飾)反面,與李多海聯手捍衞酒店,最後兩人亦患難見真情。全劇 32集,集集有料到。

第 1集

7星級酒店會長崔尚勛在酒店總經理李東旭向其說出自己是其親生子後,突然墮樓身亡。女兒李多海為查真相,刻意賣萌裝瘋,肆意搞破壞。


發生爭執 

故意搗亂 

第 2集

李多海對父親之死存疑,不停搞小動作,但遭李東旭阻止。其後有人將一隻死鴿放喺李多海牀上,嚇得有恐鳥症嘅李多海大叫,李東旭衝入房呵護。


死鴿恐嚇 

受驚呵護 

第 3集

李多海於李東旭房中搵到會長嘅手錶,遂懷疑李東旭係殺老父兇手,更當眾拎起支紅酒兜頭兜腦淋落李東旭度。其後李東旭搵佢理論完離去,李多海即俾副會長李德華派人殺害險溺斃,幸得任瑟雍相救。


誤會加深 

險遭毒手 

第 4集

李東旭終於喺主診醫生度知道自己原來一直俾李德華利用,間接成為殺害會長幫兇,大受打擊。當見到李多海後,既難過又內疚,一時衝動緊抱李多海。


醫生作證 

激動擁抱 

撰文:姜培綺

    全站熱搜

    tvb4life 發表在 痞客邦 留言(0) 人氣()