升幅 80倍孫穎近排迷上俄羅斯畫家 Galina Rusak,將她的四季畫放於家中。「佢住喺深山,冇電腦冇電話,我係託一位歐洲鋼琴大師先買到,四季畫每幅一萬美元。依家一幅要 80萬美金。而呢四幅畫係講一個俄羅斯女仔,點樣用堅強嘅態度去經歷四季。」 

名人潮

孫穎 女權畫廊

時代女性自主能力愈來愈強勢。女士以往只着重外在美,落重本掃靚衫買名袋,但今時唔同往日,識得投資回報才是王道。

Ads by Google

「鋼琴公主」孫穎,出名投資有道,手頭上有多個豪宅物業。追求品味投資的她,多年來收藏了大量大師級畫作,獨一無二的名畫有近二百幅。「買名畫絕對可以當投資。依家經濟愈發達,對一個有文化嘅人嚟講,唔會只追求金錢。投資畫同藝術品一舉兩得,自己鍾意又可以學到好多嘢。」

 

藝術品買賣,屬有錢人的品味玩意。琴藝精湛的孫穎,畢業於南京藝術學院,自小受薰陶,有着藝術家思維。「我好細個已經鍾意畫,對色彩繽紛嘅畫好有感覺。一幅有靈魂嘅畫,喺唔同時間欣賞都有唔同感覺。」
孫穎多年來收藏近二百幅名畫,當中包括大師級畫作,亦有不少新晉畫家。「我覺得畫係講緣份,當你好鍾意佢,可以企面前睇都好滿足。假如喺拍賣會叫價太高反而未必考慮,唔會話因某個人有名,就淨係收藏佢嘅畫。」在她的名畫收藏中,有不少女性題材的畫作,她認為現今不少女畫家的技巧絕對可以獨當一面。「近年我鍾意一個俄羅斯女性畫家 Galina Rusak,佢嘅作品好有味道。依家女性愈來愈獨立,知道自己要咩,呢個係好緊要。以前比較強迫式,依家可以根據自己要求去做,決定點去追尋自己夢想。」

 

 


裸女美態孫穎對歐洲畫家的作品愛不釋手,當中數幅出自英國畫家 YEEND KING。「中國都愈來愈多畫畫叻嘅人,不過比較粗線條,國畫就冇問題。我鍾意外國畫家多啲,佢哋畫女性體態特別細緻,表達出浪漫感覺。」買入價: 12萬現值: 60萬 

孫穎名畫眾多,除了將十多幅放在屋企外,其餘擺放在貨倉。「我會計劃整張清單,令自己第時進行買賣方便啲。」買入價: 15萬現值: 55萬 

畫音合一「呢幅《古箏女孩》出自靳尚誼(曾畫第一夫人彭麗媛的名油畫家)高徒,筆功好細膩,表達到中國女性嘅神韻。」買入價: 4萬現值: 15萬

大師送贈這幅名為《孫穎彈琵琶》出自國畫大師黃永玉。 05年,孫穎到他北京大宅演奏一曲,大師即興出手。孫穎視為無價寶。 

孫穎為鋼琴大師劉詩昆的愛徒,二人不時師徒上陣演出,更試過客串拍電視劇。 

另類畫功 

孫穎收藏不少大師級作品,當中以簡潔筆功畫出女性線條的名畫,儲下十多幅。「中國藝術家韓美林又係出名攝影大師,畫女性線條好叻,依家佢有啲作品價值幾千萬。」 

投資睇長線


孫穎定期將家中名畫轉換,保持新鮮感。她位於火炭御龍山屋企,就掛上近排最愛的四季畫。「今年又係馬年,特別有感覺。」 

孫穎投資經驗豐富,除了穩陣買磚頭,她亦當名畫為投資一部分。「自己鍾意嘅嘢當投資,即使佢冇帶嚟咩價值,同佢相處感覺都好開心,已經得到快樂。依家經濟發達,藝術品投資都係一大領域。我喺拍賣會好謹慎,啲畫嗌到太貴就唔會衝動舉手,要好肯定係咪心頭好。我未去到瘋狂嗰種,做一個收藏家,出同入心目中要有個好明確方向。」孫穎揀名畫經驗豐富,眼光獨到亦獲身邊好朋友支持。「有時啲畫保守計都有幾倍升值,放喺好靚嘅平台就更加唔止幾倍。之前有朋友嚟探我,我彈住唔同嘅樂曲介紹原本值幾十萬嘅畫。佢聽住音樂欣賞,即刻話要用 100萬人民幣買走,我話遲啲先。」


撰文:蔡靜雯 
攝影、錄像:陳志輝

    全站熱搜

    tvb4life 發表在 痞客邦 留言(0) 人氣()