有性訴

愛的玩伴 區文詩

「新鮮感」在兩性之間的定義,是二人初到陌生環境,感覺異常興奮;甜言配合酒意,心跳加速;不停轉換形象,務求刺激視覺。
當兩性關係欠缺以上調劑品,等同一池死水及兩條死魚。
區文詩拍拖經驗豐富,男友數目不但以量取勝,更涉獵多個國籍。她坦言要維持一段健康關係,絕不能有愛冇性,於是她落力打造自己為愛的玩伴。
「人的本能就係有性需要,無論男女、老嫩都一樣。即使搞咗咁多年,都唔會唔使搞,只可以覺得對方吸唔吸引?唔吸引就係因為懶,性生活唔可以懶,一定要勤力,所謂勤力,係不斷製造新鮮感。」
今時今日男歡女愛尋開心,有必要沉默嗎?

 

今年 31歲 Cookies「餅碎」之一區文詩, 13歲初戀,當時與時下少女一樣戀愛大過天,累積下來的經歷,令她對愛情有一套理性的分析。「細個嗰陣覺得人生 90%都係拍拖,得番 10%分俾屋企人、朋友同讀書。拖拍得多,知道講到幾海枯石爛都可以變成過路人,唔使睇得咁緊要。愛情就好似落雨擔遮,有就最好,冇最多都係凍親。」

Ads by Google

注定異國戀

翻查過往紀錄,區文詩情史戰績彪炳,戀愛無分國界,她的男友來自不同國籍,包括日本、意大利等。「其實我冇專登揀。冇頭髮、肥、矮、唔靚仔嘅本地人都試過,不過最後 work唔到。可能我個樣生成,成日唔笑,香港人就覺得我寸,但外國人就覺得我冇香港女仔咁刁僑扭擰。」區文詩指與外國人拍拖比較有得着,皆因可以邊拍拖邊豐富知識。「同每個國籍嘅人拍拖,都會有佢好特別嘅文化,可能會講邊個藝術家嘅畫、細個時候同爸爸行山打獵嘅事,個世界好似好大。唔知係咪同做電台有關,我好鍾意聽多啲唔同國度嘅故事。同香港人拍拖,放假就去食飯,平時淨係識講股票金融,最多傾吓新聞。」


區文詩與日籍男模鈴木仁拍拖年多,二人當時已到達同居階段,但奈何無疾而終。 

區文詩現任男友 Peter是意大利人,外形十分煞食,不過她為保護戀情,甚少提對方。 

牀上十年功

學海無涯,區文詩在過往舊愛身上吸收不少知識,亦領略到各國的性生活文化。「亞洲人思想好大膽,但行為 fulfill(滿足)唔到。睇 AV都已經知道,日本人性愛好瘋狂,但無論生理上同耐力上未必去到咁持久。亞洲男士好多時諗咗自己舒唔舒服、開唔開心先,唔肯喺牀上服侍女士,只要求我哋去 serve佢。
「西方人生理上或者外在係強啲、勁啲,佢哋尊重女性,會着重 foreplay(前奏)多啲,唔介意去服侍你,令你開心,大家都會付出。西方人會 lead(帶領)住你,好似跳舞咁,令你覺得唔尷尬。相比香港男仔比較怕醜,有啲鍾意熄燈,你會 feel到佢緊張。加上唔知係咪因為冇咁健康,所以比較弱雞。」現場攝影師、造型師等男士鴉雀無聲,區文詩即補鑊。「我唔係話你哋呀!比較啫!」

有愛又有性

區文詩閱男無數,理應思想開放,但她卻認為欠缺靈魂的肉體關係十分空洞,換句話說要有愛才有性。不過若一段愛情欠缺性生活的話,就要檢討。「性生活和諧,段關係先至好。等如食飯,肚餓咪食飯,點解食咗飯 30幾 40年都要食,唔悶咩,呢啲因為係需求嚟!
「 Size唔使我講大家都知,坊間咁多資料,睇過 AV都知一定係黑人最黐筋,日本人係相對地短啲嘅。不過體積同長度對我嚟講唔算十分重要,最緊要溝通到,溝通唔到曉飛都冇用,淨係喺牀上曉飛之後點生活落去呢?如果佢性生活好遜色,但我哋係心靈伴侶,我反而會鍾意。」


眼見 Cookies已有兩位隊友陸續嫁人,令她開始對婚姻有憧憬。 

區文詩認為身材屬女性的天賦,所以她即使並非豪乳型,但她也唔介意性感,試過真空拍唱片封套。 

內衣騷誘惑

俗語有話只有懶女人冇醜女人。區文詩時刻 keep住最佳狀態,又隨時自製情趣吸引另一半。「男人對女性內衣有要求,視覺行先,我試過情人節冇送咩禮物,只係買咗城中出名貴同性感嘅內衣,着住嚟𠱁佢,呢啲係女人嘅撒手鐧。我唔知佢當時係咪真正開心,但佢都有交戲。去旅行大家都係去開心、去 relax,我會準備幾套喺喼,不定期攞出嚟用。」除了玩視覺效果,區文詩更會反客為主。「其實唔一定係男仔做主動,女仔都可以做主動。食飯時已經着得比平時性感,成個動態好挑逗,又或者返屋企唔好沖涼住,一齊嚟個 bubble bath(泡泡浴),有好多嘢可以增添情趣。」一段關係保鮮同做生意一樣,都係要苦心經營。



性感內衣能刺激感官,增添生活情趣,喱士絲襪亦有異曲同工之妙。 

撰文:蔡靜雯
攝影:袁家樂
錄像︰盧芷斌
協力︰李梓軒
化妝︰ Shirley Lee
髮型︰ Herman Lee@Private-i
造型︰ Bryan@the Flaming
服裝︰ Flame、 Blossom

    全站熱搜

    tvb4life 發表在 痞客邦 留言(0) 人氣()