梁靖琪女人30操人魚線

藝人梁靖琪(Toby)、惠英紅、江若琳及劉浩龍等昨日出席慈善繪畫活動,Toby甫見到新鮮出爐的金像獎最佳女配角得主惠英紅,即上前擁抱及吻賀對方。現場見Toby身材fit爆,其體重一百零五磅,她說:「踏入卅歲,要有新嘗試,正健身操人魚線,目標體重是一百磅,上圍都細咗兩cup。(有人追所以減磅?)要拍劇做打女,冇人追!」

Ads by Google


梁靖琪(左)咀惠英紅,賀她榮登最佳女配角。

而忙於在內地拍劇的江若琳說要儲多兩年錢才夠錢買豪宅與家人同住。大可找富二代結婚?她說:「女人要靠自己。」

 


江若琳 

梁靖琪

跌cup梁靖琪
唔信「臭蝦哥」爆粗問候PA


數學題:35D跌咗兩cup,即係剩番幾多?(攝影:藍文浩)(蘋果日報)

劉浩龍、江若琳、鄭融同Juno麥浚龍等人噚日下晝喺銅鑼灣出席美國護膚品牌主辦嘅一個繪畫慈善活動,佢哋聯同其他共41個名人藝人一共為綠色力量籌到50萬善款。劉浩龍話自己一向都冇繪畫天份,平時都係畫火柴人,不過都曾經有製過啲手工禮物送俾女友,仲話唔求對方讚整得靚,唔取笑自己已經好好喇咁話。瘦咗兩個碼嘅梁靖琪(Toby)就一身貼身衫到場,日日做gym又瑜伽嘅佢話依家瘦到105磅,連胸都細咗兩cup。記者問佢係咪要迎接第二春?佢就話係為咗新劇做打女喎。問到曾經同佢喺泳池「激戰」嘅老友「臭蝦哥」俾前無綫PA偽文豪爆料,話佢粗口「問候」人又嫌替身臭,梁靖琪就即刻回應話:「我唔信呢件事係真,同埋佢哋兩個人(吳卓羲與林峯)都回應過,我唔應該再講。但係一家人喺TVB咁耐,我唔信佢哋會用不雅說話去鬧人。」咁唔知吳卓羲有冇搵你訴苦呢?佢話:「冇喎,有聯絡不過冇講呢啲嘢。」至於好耐冇喺香港工作嘅江若琳就話喺內地前後拍咗3、4個劇,雖然已經夠錢買個細單位俾自己住,不過就希望一次過儲夠錢買個大單位先同父母一齊住。佢又話:「我出名硬頸0架,依家想享受吓自由生活先,你諗吓,拍拖就要俾男朋友管,結婚後要俾老公管,生小朋友之後就一世都要睇住小朋友,所以要珍惜同屋企人住嘅時間。」

 

    全站熱搜

    tvb4life 發表在 痞客邦 留言(0) 人氣()