栢芝小三匿衣櫃焗睇正印調情

戀愛經驗豐富的張栢芝,在昨日凌晨播出的電台錄音訪問中分享情史,還自爆曾做小三,當時被迫匿入衣櫃看着男友與正印溫馨,如此慘痛的初戀,令栢芝從此情迷成熟男,可惜至今仍未修成正果,難怪她說:「雖然慣咗單身,但我都會寂寞。」

Ads by Google


戀愛經驗豐富的張栢芝,呼籲男士不要貪圖少女美色。(資料圖片)

張栢芝在昨日凌晨播出的電台訪問中,講到第一次分手經歷,她自爆慘遭拍拖三年的男友屈做狐狸精,更要匿入衣櫃避風頭,她憶述:「嗰時喺澳洲讀書,佢女友上嚟鐘,佢即刻推我入衣櫃。原來佢呃咗我三年,我被騙做咗狐狸精,冤枉地做咗第三者,十足梁漢文首歌,『躲於衣櫃裏』。」

「至愛係自己」

栢芝續說:「我唔出嚟,係唔想傷害個女仔,我已經夠慘,畀個女仔見到我都會好慘,我仲要喺衣櫃入面睇住佢哋情情塔塔成個半鐘,差啲瞓着,我好傷心,但唔會鎅手。」

之後主持以陳小春作例子,指男人唔玩過唔會定性,栢芝深感認同,並曲線自讚:「邊有貓唔食魚?男女都好,後生玩過晒,大個成熟先係極品,好彩我後生都好曳。」問成熟男是否栢芝那杯茶?她坦言:「雖然慣咗單身,但我都會寂寞,想搵個40至43歲,靚仔已經吸引唔到我。」她又笑指之前的外籍男友及前緋聞男友鄭中基都不算靚仔。問栢芝何時會找到一生至愛?她酸溜溜說:「至愛係自己,有至愛就冇人離婚啦。」

教男士揀女友

訪問尾聲,栢芝呼籲男士切勿貪圖年輕貌美的女子:「你睇吓劉嘉玲、鍾楚紅、林青霞,幾有自信,又有女人味,贏晒啲o靚妹。後生女識氹你,都係想買手袋。」

文:音樂組

偷情斷正難抵賴

情侶間偶有出現第三者,偷情斷正亦不是新鮮事,娛圈也有同類個案。


矢口真里

日本組合Morning娘前成員矢口真里,去年被踢爆背丈夫中村昌也,與男模梅田賢三在家偷情,翌日中村返家,矢口驚到踢男模入衣櫃,最後矢口與男模下跪認錯。

朱茵

2010年在《志雲飯局》中自爆曾與一男星相戀多年,有次兩人在外地拍戲,朱茵返酒店會男方,見男方應門時很慌張,她摸床鋪發現有餘溫,洗手間更無故反鎖,她懷疑裏面有人。

李賽鳳

2007年被丈夫羅啟仁指,有次返家時發現李賽鳳的契仔宗天意半裸匿在衣櫃,後來李賽鳳和宗天意合演電影時,在戲中演了一幕匿衣櫃戲。

栢芝初戀做衣櫃狐狸精

#video_player{width:100%;height:100%;}


■栢芝自爆讀書時,在不知道的情況下做了三年第三者。資料圖片

張栢芝昨日凌晨在商台節目中自爆在澳洲讀書時,在不知道的情況下做了三年第三者,她開咪時說:「自己係梁漢文嗰種,躲於衣櫃裏,初戀男友呃我,瞞住我,原來佢有女朋友但我唔知,被冤枉變咗第三者,跟住佢女友㩒門鐘,我初戀男友就打開衣櫃將我推入去。我被騙成狐狸精,當時我匿埋喺衣櫃都唔緊要,仲要睇住佢哋情情塔塔。」
經過婚姻失敗,年紀又開始大,栢芝不再愛靚仔,更坦白承認有時都會覺得寂寞:「始終會lonely,我都習慣單身模式,享受想做就做,但somehow有時會寂寞。」更指未來目標是找一個不靚仔約40歲的熟男做伴。
撰文:非非

 

栢芝呻有時寂寞 偏愛成熟男


栢芝曾經同鄭中基傳緋聞(左圖),亦曾與老外男友Jeroen拍拖,栢芝話佢兩個都唔靚仔0架﹗(資料圖片)(資料圖片)

張栢芝喺昨日凌晨電台訪問內,大爆遭初戀男友hurt爆經過,佢認同第一次嘅分手經歷,令佢以後諗多咗,個人會變得更加成熟。栢芝慨嘆男仔好少回望自己做錯,佢又自爆想搵40至43歲嘅成熟男。栢芝表示後生時乜都玩過,0依家個人就定性,邊度都唔想去,就想留喺屋企煮飯及湊仔,男女都好,後生時玩過晒,到開始成熟時,呢啲先係極品。而主持又以陳小春做例子,指佢後生時乜都玩過,但返到家就係好男人,栢芝亦認同。男主持又講到唔少男人過咗30幾歲,就開始身痕,一出去玩畀人撩下腳,就會即刻出軌,栢芝亦附和:「邊有貓唔食魚?十次引誘頂得住,三十次我就唔信。」主持又問到年紀愈大,戀愛想法會漸趨成熟,栢芝就話:「呢度我係年紀最大,冇錯,會成熟好多,思前想後好多﹑顧慮亦多,後生靚仔吸引唔到我。」男主持笑栢芝:「因為你試過好多靚仔。」栢芝就話:「之前我同鄭中基傳緋聞,佢有幾靚仔?(外籍男友都唔靚仔?)係呀,我以前個外籍男友都唔靚仔。」栢芝又認為呢個世界至愛嘅係自己:「你阿媽至愛係你,你幾愛你老婆,其實至愛仲係自己。」主持又話女人到咗40歲,對愛情會採取抗拒態度,因為覺得已經「唔輪到佢哋」,栢芝都承認自己接近呢個歲數依然單身,有時都會覺得寂寞:「始終會lonely,我都習慣單身模式,享受想做就做,但somehow有時會寂寞。」但栢芝話最重要係對自己有信心,要先懂得欣賞自己美麗,其他男人就會自然感受你的美,幾多歲都唔緊要,最緊要你覺得自己有價值同值得愛,男人自然好愛你。栢芝又以劉嘉玲﹑鍾楚紅﹑林青霞﹑羅蘭及鮑起靜做例子,唔係話佢哋年紀大,而喺佢哋嗰份自信及魅力,勝過唔少0靚妹,就算唔係靚女,味道好重要。栢芝表示女人千祈唔好40歲扮20歲:「如果40歲,整個大眼仔影相,嘩﹗酒杯敲你個頭,我心極痛。」之後佢再話:「我見過有啲老女人,好驚,着到好似十五﹑六歲,頭戴粉紅色蝴蝶結,嘟起嘴影相,仲要高炒﹗」

    全站熱搜

    tvb4life 發表在 痞客邦 留言(0) 人氣()