馬騮認為 graffiti可表達自己的思想和情緒,值得去推廣。 

Jobs Live

思想載體 graffiti

Ads by Google

早前法國著名街頭藝術家 Space Invaders,在香港多處街頭留下以馬賽克砌成的作品,但不久便被政府剷走,令不少市民覺得政府在扼殺街頭藝術。其實街頭藝術在香港並不是新鮮事,好像 graffiti便是其中一種,身為甲一籃球員的馬騮身兼 graffiti導師,他認為 graffiti是表達作者思想的良好載體。

 

記者相約訪問馬騮,並叫他以《 FACE》作示範 graffiti,由下筆到完成只需約 45分鐘,馬騮笑說︰「呢個構圖比較簡單,先可以咁快完成。如果喺圖案上加多啲細節位,好似裂痕、人像圖案等,淨係畫構圖可能已經要幾個鐘, graffiti唔係玩玩吓咁簡單,係一門好花心思嘅創作。」
馬騮外形黑黑實實,現職是甲一褔建體育會的籃球員,喜愛上 graffiti是源於籃球場上的一眼,「自己都鍾意亂畫吓公仔,中學讀書時嚟蒲吧打籃球,見到籃球場牆上嘅 graffiti好有型,開始自己上網睇,發現外國嘅創作好正,於是去蒲吧問吓有冇得學 graffiti,職員就畀咗木板及噴漆我,畀我自學,慢慢玩。」


首先用鉛筆在畫簿上畫出草圖。 

然後在木板上用噴漆勾出構圖及字形,新手可先用鉛筆或粉筆畫上底稿,然後用噴漆填色。 

之後再加上細節位,例如反光位、 3D效果等後,再以整體圖案差異大的顏色勾邊。 

完成 

讀設計畫 graffiti

對 graffiti產生了興趣,讓馬騮學習繪圖及設計技巧,「想學多啲設計方面嘅嘢,中七畢業後,報讀咗香港設計學院嘅 graphic design。」
玩了多年 graffiti,開始有自己風格的馬騮,在一次機遇下開始當 graffiti導師,「 11年暑假,有個朋友話蒲吧請緊 graffiti導師,叫我去試吓,咁咪去 in囉,最後成功咗,當時我已經係甲一籃球員,見有地方可以發揮自己嘅興趣,咪當兼職囉。」馬騮教班時薪約$300,協青社不時會轉介一些工作給他,每次收$2,000起,「有時我會幫私人機構用 graffiti粉飾外牆及場地。」
身為籃球員,紀律嚴明,球場上要服從教練指示,馬騮認為 graffiti是一種可釋放自己的媒介,「 graffiti係一種分享,表達自己嘅思想及情緒,可惜香港地方唔夠,好多時 graffiti創作只會出現喺後巷,但我好想好似外國咁,可以去人多嘅地方創作,畀多啲人欣賞同認識,希望開到屬於自己嘅作品展。」
facebook︰ S.W.A.G. aka Stuff We All Get


現時蒲吧室內籃球場上的 graffiti亦是馬騮的作品。 

要畫 graffiti只需幾罐噴漆、手套便可,但要留意噴嘴有機會阻塞,影響 graffiti的線條,可帶備多些噴嘴備用。 

撰文:曾志恒
攝影:傅新發

全站熱搜

tvb4life 發表在 痞客邦 留言(0) 人氣()