人文  20歲香港教育學院視覺藝術系 Yr.1憑着反主流 concept,人文設計的 graphic tee最近人氣急升,他希望畢業後能夠全職當自家品牌設計師。 

U撈

專出玩嘢 tee

Ads by Google

90後不愛拘束,未大學畢業已經創業,要做老闆自己話事!𡃁仔創業首選可謂搞 fashion,去年人文創立時裝品牌 Not Sure,他深知要脫穎而出,一定要賣 concept!他專出玩嘢 tee,像反迪士尼的 Dislike graphic tee,深受歡迎,連金剛和衞詩都 buy!

 


每當人文有新設計時,梓厚(左)都會給意見。 

「呢度啲 tee全部由我哋設計,除咗電影《狂舞派》入面嘅奶茶外,連金剛同衞詩都有着㗎!」還未大學畢業的人文,已跟拍檔梓厚搞網店賣潮流服裝,並放到不同店鋪寄賣。
人文自小便發創業夢,一直希望建立自己的時裝品牌,「以前讀書見到陳冠希、軟硬天師及少爺占等潮人,靠自己建立到潮流品牌,覺得佢哋好勁!好想有朝一日自己都做得到。」

有 concept先掂

上年 8月,人文決定於暑假期間實現理想,他找來好友梓厚一起創立自家品牌 Not Sure,由他負責設計工作,拍檔梓厚則負責推廣和修改設計,「當時我哋打算走大眾化路線,賣 graphic tee,諗住個 design穩穩陣陣就有人接受。但諗諗吓呢類型嘅 tee市場上已經有好多,要脫穎而出唔係咁易,我哋就決定出啲夠玩味,又夠 fashion嘅 tee,連個品牌名都叫做 Not Sure,玩味夠晒濃!」
在取靈感期間,人文察覺到大部分來港旅客都必定到迪士尼遊玩,於是便靈機一觸,把玩迪士尼一番,「好多童話故事都係黑暗㗎啦,好似白雪公主及雪姑七友,喺外國流傳好多黑暗版本,我唔明點解迪士尼要將呢啲故事包裝到咁夢幻,於是我就諗到將 Disney個 logo改成 Dislike,表示我唔 buy呢種主流包裝手法。」


正面Not Sure Not Yeezy tee$360 

背面 

正面Not Sure Dislike Hoodie$499 

背面 

反應好加推

當第一款設計誕生後,人文於 9月透過 Instagram和 WhatsApp供客人訂貨,此外,於尖沙咀、旺角和葵芳亦設有寄賣點讓客人親身試衫,「第一批 tee印了 1百件,上網喺美國訂返嚟,再喺香港搵公司印個 print上去,見頭 3個月反應好,再印多 1百件,之後我見個勢咁好就再推多幾款 tee,好似有反韓流及反粗口等,我仲出埋衞衣添,等客人多啲選擇。」
每款服飾印 200件,每件售價由$320至$499現約去貨 9成,網上訂講及寄賣點各佔一半生意額,為人文每月帶來約$3,000的收入。
眼見品牌開始有人認識,人文正為 Not Sure設計多幾款時裝產品,他希望能趕及畢業前令品牌上軌道,將來能全職營運 Not Sure,當時裝設計師,「𠵱家啲人咁鍾意戴帽,嚟緊我哋打算出埋帽添;之後我哋仲會同本地品牌 Adarga搞吓 crossover,出皮製 accessories,估計幾個月後就會推出。」

金剛

 


好開心佢哋畀件衫我着,我覺得好有型,好襯我! 

Not Sure Fxxk Em tee$320 

衞詩

 



Not Sure Dislike tee$320 

點搵寄賣點?

現時 Not Sure在尖沙咀、旺角和葵芳等地區共設有 3個寄賣點,人文說:「我都係膽粗粗拎住件 tee上去啲賣衫嘅鋪頭,問下老闆可唔可以寄賣,以我經驗,問兩間都有一間肯。」放產品到鋪頭寄賣,會以拆賬形式收款,坊間行規一般都是是七(寄賣者)三(店鋪)分賬。


撰文:何倬然
攝影:彭自維
部分圖片由被訪者提供

    全站熱搜

    tvb4life 發表在 痞客邦 留言(0) 人氣()