堂上會教整不同包餅,採訪當日,導師教造芒果朱古力慕絲蛋糕。 

職場起底組

學整餅 入行做包餅製作員

Ads by Google

餐飲業界對人手需求持續,麵包店更時有新店開張,對人手有一定需求,有見及此,港九勞工社團聯會舉辦了包餅製作員基礎證書課程,讓對這行有興趣的人士報讀,了解製作包餅程序,加深了解,成功就業。

 


謝繼裕師傅在堂上示範使用焗爐、火槍、打蛋器等工具,之後會讓學員使用。 

課程由擁有三十多年製餅經驗的謝繼裕師傅親自任教,他表示課程目的是幫助學員就業,故以實踐為主,「內容安排會係 40%理論及 60%實踐,會教點整糕餅及使用器具等。𠵱家啲麵包店款式多元化,堂上除咗會教傳統港式麵包外,仲會教埋西餅、曲奇、法角麵包、德國麵包等二十幾款糕餅嘅製法,令學員可以應付市場需要。」
課程完成後,就業主任會幫助學員搵工,「好似會邀請僱主過嚟同學員即場面試,亦會有 6個月就業跟進,聯絡唔同僱主畀學員見工,現時初級包餅製作員月薪約$7,000起。」

導師 謝繼裕

我哋會教授工作時會用到嘅工具外,當學員完成作品後,我再針對錯處加以糾正,佢哋會更容易了解有咩地方需要改正,印象會深刻啲。

熊女士 學員

對呢行有興趣,課程比我預期中多嘢學,好似會教埋點整曲奇、慕絲蛋糕等,師傅教得好詳細,試過自己喺屋企都成功整到出嚟。

 

課程:包餅製作員基礎證書
機構:港九勞工社團聯會
對象:中三程度
學費:免費,需面試
堂數: 58節,共 232小時。
內容︰包餅業行業運作、烘焙用具基本操作、食物安全與衞生、常用原材料的使用、採購及貯存步驟、麵包烘焙製作、特色烘焙製作(包括蛋糕、撻類及曲奇等),求職技巧等。
查詢︰ 2787 9967

PROFILE

打工達人,白羊座,性格外向,天生八卦愛吹水,相識滿天下,目標做盡 72行,成日捐窿捐罅搵有乜好工跳槽,刮盡各行筍料秘聞。


撰文:打工達人
攝影:傅新發

全站熱搜

tvb4life 發表在 痞客邦 留言(0) 人氣()