漫遊毒物

亦敵亦友  Winter Soldier

Ads by Google

作為《復仇者聯盟》系列之一,《美國隊長 2:寒冬戰士》一上映成班 friend就湧住去睇,新角色中除咗 The Falcon飛隼飛來飛去夠吸引外,奸角 Winter Soldier寒冬戰士更係今集戲名,可見分量之重。入場前仲懷疑佢點會夠打咗超人士兵血清嘅美國隊長打,點知佢隻機械手臂原來勁到爆燈!輕易接住飛盾之餘,佢更係美國隊長第二次世界大戰時好友 Bucky,家陣佢更化身 Hot Toys嘅 1:6珍藏人偶,想揭開佢面罩下嘅真面目?唔使洗佢腦,睇《 FACE》就得。

 

 



迫力機械臂 表情跟劇情

繼承 Hot Toys珍藏人偶系列, Winter Soldier由韓國著名頭雕師 Kojun同首席塗裝師兼製作總監 JC. Hong主理。當中最吸引是他的銀色機械手臂,細緻機械紋理加上紅星標誌,以及拳頭、放鬆等 4對可換手掌,充分呈現電影中機械臂每次推壓美國隊長盾牌時的壓迫力!另一留意是 figure備有兩個頭雕,跟電影一樣戴上面罩的造型可再加眼罩,勁有戲中佢初出場時嘅神秘感。到換上 Bucky頭雕,眼神空洞又迷惘,完全跟足劇情,表現佢開始在被洗腦記憶中,尋回跟美國隊長昔日嘅友情。


睇過電影就知機械臂會在戰鬥時加壓, figure雖然冇呢個功能,但機械紋理同金屬色依然造得很 detail。 

戴上面罩同眼罩嘅 Winter Soldier見唔到表情感覺陰森,而 figure更附有 3把手槍、機關槍及輕機各一。 

電影唔係打一餐就算,鋪排 Winter Soldier發現同美國隊長早已認識, figure表情迷惘之餘,更為 Bucky改邪歸正埋下伏線。

 

售價:$1,450
預訂價:$1,400
推出日期:今年第 3至第 4季
查詢: Secret Base( 3722 3988)


撰文:張穎麟

    全站熱搜

    tvb4life 發表在 痞客邦 留言(0) 人氣()