Webber

嘻哈無常  Rapper from HK: Heyo

顏卓靈 BB剛憑《狂舞派》角逐金像獎,電影喺星光背後仲有一班堅持己見嘅夢想家,今期 Webber就係戲入面飾演 rapper嘅 Heyo。香港人愛以貌取人,睇到個 dreadlock頭實懷疑佢虛有其表。實情 Heyo已玩咗 Hip Hop 8年,有其表,更有其才,作為最早放 MV上 YouTube嘅 Hip Hop友,一首作品都有過 6萬點擊率。全無唱片公司後台,小本製作,但 MV仍能形象百變扮蒲友、扮病友、扮雀友。佢話 rap就係隨心而噏,故喜怒無常,嚟緊會用廣東話夾雷鬼 Reggae音樂。有想法、更有辦法,所以話,香港 Hip Hop唔係垃圾,粵語 rap歌我哋要撐。

Ads by Google

Webber Profile

Heyo
職業: DJ、燈光師、 rapper
YouTube頻道: Heyo Fok
拍片資歷: 4年
作品總數: 17條
總 hit rate: 320,000以上
Subscriber: 2,500以上

Q1:你個頭實在太搶眼,整咗幾耐?
平時有冇洗頭?
有無臭親隔籬?有無令你遇上咩困難?


喜:《睇醫生》「如果鎖住我當派咗七百萬粒定心丸咁快啲鎖住我因為我阻住個地球轉」 MV扮癲佬,其實首歌就講社會排斥異類,邊睇邊聽,時而喪笑時而悲哀。 

 

 


怒:《 VSOP》「做鬼咗四年加人工都托手踭酒店又起兩間年年有賺出糧咁鬼慳」多年前 Heyo喺某主題公園做哈佬喂的鬼,以上歌詞的鬼字可自行改作任何廣東話單字。 

Q2:唔少網絡歌手都係拍自己唱歌就算,你又搵演員又扮鬼扮馬會唔會好費時失事?
香港人鍾意睇歌多過聽歌,個 MV有趣會吸引到多好多人了解到首歌。同埋我除咗鍾意 rap嘅音樂,更鍾意用 rap表達自己想法,有人話 Jay Z is bigger than rap,我唔係自比 Jay Z,但都會追求歌以外嘅表達方法, MV就係其一,我仲有諗過寫書添。最後仲有個理由就係,我都想好似 Jay Z咁型㗎嘛!

 


哀:《 24》「俾我堅持多陣都只係虛耗可能我都係時候畫上句號當我已經去到某個歲數」Hip Hop唔係得嬉笑怒罵,仲有深沉嘅反思, 24歲人生交叉點下的悲情 rap歌。 

Q3:堅持咗 8年,回顧你嘅 Hip Hop之路有咩分享?
我一路走嚟有啲過關打大佬嘅感覺,開始時有 Hip Hop友唔鍾意我,試過被人 diss(Hip Hop用語,作首歌侮辱你)。我個人好勝,你唔鍾意我就作多幾首歌,作好啲,慢慢多咗人認同。到圍內嘅人都 okay喇,我就想令一般大眾都鍾意我嘅歌,放片上 YouTube、搞 show搞活動。最開心係上年搞咗個「粵嘻哈」推廣用廣東話 rap,香港人覺得總係外國嘅月亮比較圓,𠵱家最想人知用廣東話都 rap到好歌。

 


樂 

Q4:我哋嘅欄目叫 Webber,點都要講番啲網絡嘢,你點用網絡幫手創作?
唔怕講,我以前係高登仔,有 account,仲試過芒足成日高登 F5都差啲㩒爆。我覺得網絡係一個武器庫,你會喺入面拎到好多知識,但就未必係一個出招嘅好地方。例如社運,網上聯署任你有幾百萬人簽其實都係無用,要真係上街先 work。上網搵料攞靈感係 okay,但我會返去現實做我想做嘅事。

 

〈 Webber〉,每星期專訪一位網絡紅人,每星期展示一種網絡力量。


撰文:司徒港燊
攝影:彭自維

全站熱搜

tvb4life 發表在 痞客邦 留言(0) 人氣()