DaDa解釋因為去澳門出席亞洲電影大獎而過澳門,「順便」幫 Adriano慶生,但實情 DaDa特登早一晚過去陪仔,玩到夠先開工!兩人在生日 P內,更飲 Shooter玩到 high晒!網上圖片 

封面

澳門陪過生日  DaDa接收梁洛施初戀男友

Ads by Google

去年戲劇性宣布退出再閃電復出, 25歲 DaDa陳靜為了補鑊積極接戲,已有 3套戲排住隊出街,包括客串下月上映的《香港仔》。
事業暫時回復正常, DaDa立即有心情陪仔,本刊發現 DaDa上月 26日專程搭船過澳門,為新仔慶祝生日。據知大 DaDa 3年的 Adriano是中國葡萄牙混血兒,澳門長大,曾到美國修讀音樂,原來亦是楊紫瓊世侄;最爆嘅係, Adriano 16歲曾經同梁洛施拍過拖,更是對方的初戀男友,快過小小超睇中 Isabella呀!

 


當年 Isabella 14、 5歲,已經同 Adriano拍拖,不過因為要入行而分手。 

去年成為金像獎「最佳女配角」的 DaDa,自稱承受唔到壓力,去年 8月忽然在微博宣報退出,但 10月又閃電復出,全面復工。呢期未有戲開,據知愛情至上的 DaDa,最近又有仔埋身,對方是梁洛施的初戀混血男友。

新歡認識楊紫瓊

DaDa新仔 Adriano全名劉旋,今年只有 28歲,是中葡混血兒,在澳門長大,同梁洛施屬青梅竹馬。當年梁洛施 14歲,兩人已拍了兩年幾拖,後因女方入行而分手,去年有傳兩人翻撻,雖然 Adriano仍然跟 Isabella有聯絡,但其實已有 DaDa這個新目標。
知情人士透露︰「 Adriano屋企有少少錢,當年佢同 Bella(梁洛施)散咗,飛去美國 L.A.讀音樂,畢業後返咗澳門搞過吓音樂,佢識好多歌手㗎,同曹格、張智成班大馬歌手好 friend,把口啷過油又生得鬼鬼哋,好受女仔歡迎。佢同 DaDa近排玩得好密,今次生日 party叫埋佢過嚟,嗰晚仲玩到凌晨 3點幾。」 Adriano人面廣,原來更認識 Isabella和李澤楷的媒人楊紫瓊, 4人關係非常微妙。


公私兩便同 Adriano慶祝切蛋糕, DaDa都只係影住對方,死都唔合照。 

寓工作於拍拖, DaDa同新歡慶祝成晚後,第二日先出席活動。 

DaDa︰佢生日叫我去玩

這次澳門之行, DaDa原是出席「第八屆亞洲電影大獎頒獎禮」,但頒獎禮 27號舉行, DaDa 26號已經過咗澳門,專登提早一日幫 Adriano賀壽。為免「友情」曝光, DaDa沒有放合照上網,反而男方就在 fb大晒貼頭合照, sweet到暈。
週日( 6日)晚 DaDa接受本刊電話訪問時,就強調大佢 3年嘅 Adriano只係契弟, DaDa說︰「佢( Adriano)平時叫我契姐,因為我太 man喇,似佢家姐多啲,佢有女朋友㗎!年幾前經朋友介紹認識,佢係音樂人,前排諗住搵佢幫我個新廣告做隻歌,我負責唱,不過最後都冇用到。(頭貼頭慶祝生日喎?)嗰次我去澳門出席亞洲電影大獎,咁啱佢生日叫埋我過去玩,咪一齊慶祝囉,好大班人㗎!(知唔知佢同梁洛施拍過拖?)唔知呀,佢冇提過喎。」


Isabella舞台劇復出張艾嘉(右)對 Isabella愛護有加,喺台灣拍《念念》時經常傍住一齊出入。 

今年正式復出, Isabella下個月將同詹瑞文(右)合演舞台劇。 

楊紫瓊世侄楊紫瓊睇住 Adriano大,但後來又介紹世侄個前度梁洛施畀李澤楷。網上圖片

「洛楷」媒人今年正式復出, Isabella下個月將同詹瑞文(右)合演舞台劇。 Starpix圖片 

Oscar早前喺 Instagram貼 sweet相,公開女友身份。網上圖片 

Isabella單身復出

舊愛有新生活,可惜 26歲的 Isabella煲來煲去都係冇米粥。早前有傳 Isabella因與張艾嘉獨子王令塵 Oscar拍拖,而接拍張執導的新戲《念念》,但張姐罕有代子否認緋聞,事隔幾個月,當事人 Oscar更在 Instagram放上與官三代女友程穎婕的蜜照,公開正印身份。
冇得瘟仔,已是三子之母的 Isabella惟有專心事業,拍完《念念》後,下月 30日將會聯同師父詹瑞文演出首部舞台劇《快樂勿語》,飾演聾啞人士,更為舞台劇負責灌錄主題曲,冇唱歌 7年都難得獻聲,正式全面復出。話晒攞過影后,只要 Isabella點個頭,大把 job有排接啦!


4/4兒童節湊細路上週五( 4日),唔使開工的 DaDa,趁住兒童節同親戚食飯,其間 DaDa一邊食一邊照顧姨甥女,仲識伸脷氹細路,好 cute! 


之後 DaDa親自推住 BB車,加埋佢條鬆身褲似足大肚婆,驟眼睇以為佢佗一件湊一件添!

一出餐廳即戴罩, DaDa同家姐個女去反斗城揀玩具,估唔到呢個 80後對住細路都咁有耐心。 

除咗客串《香港仔》, DaDa又會同林家棟(左)、古天樂(右)合作 6月上映的新戲《 Z風暴》。 

爆肌葡仔

DaDa新歡 Adriano Alves(劉旋)現年 28歲,屬中葡混血兒,外形高大,加上鍾意做 gym操肌,吸引唔少女埋身。出身中產、熱愛音樂的 Adriano,與曹格、張智成等歌手相熟,亦係楊紫瓊世侄,偏偏當年正係楊做媒人介紹 Adriano舊愛 Isabella俾小小超李澤楷,關係都幾複雜!


網上圖片 

同唔少星一樣, Adriano都鍾意操肌時自拍大隻相。網上圖片 

同曹格(左)亦十分老友,一齊落吧夜蒲。網上圖片 

性格玩得的 Adriano,相簿有多張攬女親熱照。網上圖片 

專嗒粗肌男

DaDa入行以來緋聞多多,但多數係高大嫩口,而且大大隻隻,唔通 DaDa偏愛肌男貪佢有安全感?

 


《蘋果日報》圖片 

趙俊承
DaDa入行前,同男子組合 Square成員 Gary趙俊承拍拖,兩人一度分開後來翻撻,最後都係分手收場。

 


《蘋果日報》圖片 

王宗堯
DaDa同富二代王宗堯,拍拖 1年幾玩完,不過兩人再見亦是朋友,分手後在《喜愛夜蒲》仍有多場床戲。

 


網上圖片 

李雨陽
兩人曾同遊澳門,後來 DaDa暗示男方放料畀記者,結果不歡而散,緋聞亦不了了之。


採訪、撰文、攝影:娛樂組

    全站熱搜

    tvb4life 發表在 痞客邦 留言(0) 人氣()