保鑣遮囝囝周一( 24日),李嘉欣又親自接小 JM放學。當日太陽猛,愛美的她寧願叫啹喀保鑣遮囝囝,愛子程度可見一斑。 

滾熱辣

許晉亨教棋 學三文四語 李嘉欣打造全能 B

李嘉欣寶貝仔 Jayden(小 JM)是許世勳的嫡孫,許家資產高達 124億,小 JM去年已開始返港島區頂級幼稚園維多利亞的學前班,但從未被傳媒影過。皆因李嘉欣雖然經常接送囝囝,但會先吩咐同行的啹喀保鑣視察四周,確保沒有記者才會現身。
加上接送囝囝的車日日唔同,除了七人保母車、 Audi房車外,有家長更見過小 JM坐 4百萬藍色賓利返學,認真架勢堂。
唔講唔知,小 JM遺傳了媽咪的語言天份,對文學及外語一學就曉,三歲已經識三文四語,除了日常對答的英、粵語外,還略懂國語及日語。李嘉欣卻強調不會做怪獸家長,還說︰「佢瞓覺緊要啲!」

Ads by Google

一連幾天,本刊發現小 JM返學都頗大陣仗。 19日早上,小 JM在幼稚園放學前半小時,一名啹喀保鑣已先在學校對面的陰暗位駐守。到正式放學,戴上黑超的嘉欣與菲傭在啹喀保鑣護送下入學校,接小寶貝放學。
嘉欣見到兒子後,臉上立即出現笑容,小 JM即奔到母親面前撒嬌。兩人邊行邊講,看得出感情很融洽。


親自接放學上周三( 19日),李嘉欣帶埋菲傭及保鑣接小 JM回家。見小 JM行得有少少論盡,李嘉欣即時拖到實。 

鐵三角保護上周四( 20日),李嘉欣要出席活動,小 JM由工人及兩名啹喀保鑣接送,兩名保鑣全程如臨大敵。 

唔見阿媽扭計

翌日,李嘉欣因為出席活動,未能接仔。女主人不在,兩名啹喀保鑣更打醒十二分精神𥄫到實。菲傭本來接了小主人就想嗱嗱臨上車,但小 JM見母親不在,即在學校門口扭計,不肯上車,擾攘一輪才被「請」上車。


許晉亨夫婦重視課外活動,好似李嘉欣周末就成日帶囝囝去沙灘,許晉亨就親自教捉國際象棋,方便兒子日後打入國際學校圈子。 

嘉欣教番外語

據家長報料︰「次次見到李嘉欣接囝囝都唔同車,最記得係嗰架得數目字車牌嘅藍色賓利。佢雖然好少同其他家長傾偈,但見到面都會點頭笑吓!李嘉欣個仔 Jayden都好有禮貌,見到人會 say hello、 say bye,仲好活潑,成日跳跳紮。佢喺班裏面幾受歡迎㗎!」
李嘉欣除了為囝囝安排讀名牌幼稚園外,亦對囝囝美術及體育方面戮力栽培。「依家名校學位爭得好犀利,雖然小 JM 8月至讀 K1,但 Michele(李嘉欣)已經做足準備工夫。 Michele自己都係名校瑪利諾書院出身,當年會考 2A7B,加上中、英、日、法、葡同上海話都了得,語言方面佢自己教番,因為佢想同個仔傾多啲偈。
「其實許晉亨就想囝囝讀國際學校,近排佢成日親自教 JM捉國際象棋,都係想方便個囝可以融入呢啲學校。但 Michele就一心想佢入男拔,更打通天地線,要入男拔都可以話冇難度。不過,自從 Jayden返學後,嘉欣亦有感個仔個性較好動,怕個仔未必適應傳統學校,依家仲考慮緊。」
上周四,出席活動的李嘉欣,與本刊記者大談湊仔經時,亦表示未揀定學校︰「應該唔會係最傳統嗰種,太多功課又可能好多背誦,睇佢啦!我都唔想佢個童年將學習變成一件好有壓力嘅事。(會唔會接送返學?)都會嘅。」


瞓覺緊要啲上周四( 20日),李嘉欣表示自己唔算係怪獸家長,安排課外活動亦以囝囝興趣為主,更話個囝成日嗌攰,俾佢瞓覺緊要啲。 

李嘉欣和家姐有時交換囝囝來湊。李嘉欣早前亦大晒自己湊住外甥同囝囝的照片。 

囝囝愛繪畫

日前,本刊亦發現小 JM在花園道上興趣班。問到點樣為小 JM揀興趣班,嘉欣表示以囝囝的喜好為主。「多數都係運動嗰啲,我覺得可以散發下佢嘅精力,個人 mobile(活躍)啲。其實對比以前,依家啲小朋友學習係多咗,但唔會安排得太密,佢瞓覺緊要啲!我覺得佢對顏色較有興趣,每個小朋友都可以做一個小藝術家,但話佢特別有天份,就未發現到,只係佢好鍾意粉紫色同唔同嘅彩色。佢試過畫過一隻潛艇,係有人教,等佢對顏色敏感度高啲,然後俾佢自己發揮。佢都畫得幾得意!」
李嘉欣亦承認,小 JM太黐身,不太喜歡她工作。有次出席完活動,囝囝更試過對她黑面,所以她現在亦會減少工作遷就︰「依家離開佢十日係極限,我諗學齡前佢需要倚賴我,遲啲我想黐佢都未必有機會。(係咪每日都會攬住你撒嬌?)都會,哈哈……但都唔係每一日。」


姨媽護送上興趣班本月 11日,小 JM到花園道返興趣班,回家時,李嘉欣家姐李嘉明接送小 JM上車。 

小 JM同表哥讀同一間幼稚園。湊親生仔時,李嘉明任佢走,冇湊小 JM咁緊張。 

5車輪住用

為咗避開眾人耳目,有至少五架車會用來接送小 JM,呢位小朋友認真架勢。

日產七人車
李嘉欣要開工,湊小 JM嘅責任有時就交俾嘉欣家姐李嘉明。早前李嘉明就出動私伙日產七人車接上完興趣班嘅小 JM。

 

Benz
李嘉明某日接走小 JM後,在街口轉乘嘉欣坐開嘅 Benz離開。

 

Audi
呢架 Audi上年由許晉亨買入,偶然亦會用來接送囝囝返學。

 

豐田
這部許晉亨公司名下嘅豐田 Alphard,連續兩日接送小 JM。

 

賓利
去年 9月,許晉亨用四百萬購入一架藍色賓利 Flying Spur W12(圖為同款車),是許晉亨為兒子返學而添置的。

9成升 BAND 1 明星名人爭報


大劉及甘比的女兒劉秀樺,亦是維多利亞幼稚園的學生,和 Jaydan是校友。 

2月才 3歲的小 JM,在維多利亞幼稚園就讀小組班( nursery),今年暑假後才升上 K1。他所報讀的國際班每月學費$5,330,學校採用兩文三語教學。去年此校的學生有九成多可升讀 BAND1小學。
維多利亞教育機構在港設有 1間中學、 1間小學, 11間幼稚園及幼兒園,而銅鑼灣維多利亞國際幼稚園更通過認證,成為國際文憑( IB)的世界學校,方便小朋友將來到外國讀書,唔怪得李嘉誠個孫女、甘比女兒及陳奕迅女兒康堤都報讀此校。

練到文武全才


李嘉欣早前設計新鞋,她自言 JM都有份俾意見。 

自言並非怪獸家長的李嘉欣,表示唔會太過逼小 JM。據悉現時小 JM每星期去兩個中心返興趣班。周末李嘉欣會堅持 family day,同囝囝 relax一下。

學美勞
每星期小 JM都會到 Kids' Gallery兩日,分別上「溝通技巧」及「手工藝」課程。兩個課程每周上一堂,每 8堂收$2,200。

 

學體操
小 JM及楊千嬅兒子 Torres亦有返 My Gym Children's Fitness Center。這個中心會透過體操,令小朋友從中學習社交技巧,每堂$290。

為湊仔刨書

為了教育 Jayden,李嘉欣近期不時睇兒童書,更睇多了心靈書籍,務求令自己做一個滿分媽媽。

《我的感覺》系列
包含「生氣」、「害怕」、「忌妒」、「難過」、「思念」,以及「自信」與「同理心」七大主題。故事以小動物為主角,透過文字及圖畫,教導小朋友如何排解情緒。

 

《 Everyday Enlightenment》
由嘉旺竹巴法王編寫智慧語錄,內容和宗教無關,屬心靈雞湯一類書籍。以每天一則提醒的方式,和大家分享各種生活概念。


採訪、撰文:娛樂組
攝影:攝影組

全站熱搜

tvb4life 發表在 痞客邦 留言(0) 人氣()