對於醉酒出事,陳山聰雖稱無稽,但他承認與超雲拍拖期間有飲醉過。 

滾熱辣

揭分手內幕 陳山聰衰醉酒

去年 4月,賭王三房千金何超雲於微博自揭「雲山戀」玩完。事隔十個月,被打回原形的陳山聰重新向幕前出發,近日為大台新劇日接夜開工。

Ads by Google

本刊收到可靠消息,指超雲與陳山聰擘面其中一個原因,是男方在三房大宅內飲醉酒出事激怒超雲。受分手打擊的超雲,連月來寢食難安。收埋自己多個月的她,早前骨感現身慈善活動,明顯暴瘦近 30磅。
對於醉酒出事,陳山聰回應時表示:「人生點都會醉過……飲醉都係正常生活。」酒可以影響一生,陳山聰就這樣失去做賭王快婿的機會了!

 


本月三日,超雲以單肩晚裝現身東華慈善晚會,清減了 30磅的她鎖骨盡現,令人眼前一亮。 

愛靚如命的何超雲,自去年中與陳山聰分手後,便絕跡公開活動,就連修甲和做 facial亦改由專人上門服侍。據知超雲受到分手打擊,不想出外見人,情緒處於低潮的她,因厭食及經常失眠,體重從高峰期的 140磅,半年間暴跌至只剩 110磅。

登堂入室

與超雲打得火熱時,陳山聰攞正牌入屋,每逢節日喜慶,都見他出現位於港島半山布力徑的三房大宅,與賭王一家影合照。

大宅內半夜醉酒

本月初( 3日),何超雲為撐母親何陳婉珍,現身東華三院 143周年慈善晚會,穿上一襲 Lanvin綠寶石色的單肩晚裝,身形顯得十分單薄,鎖骨盡現。據其密友爆料:「佢哋分手嗰陣,好多人都將注意力落晒喺陳山聰度,其實超雲都好傷㗎!當時佢真係好愛陳山聰,分手又點會唔傷心。早前佢食慾不振,一日瘦過一日,到依家起碼瘦咗 30磅!」
該密友還透露兩人分手的原因,與陳山聰醉酒有關,「有晚陳山聰半夜飲醉酒,喺大宅亂衝亂撞。超雲見到佢飲醉酒嘅真面目,嬲得好緊要,即時趕走咗佢。」本刊亦向超雲身邊另一位密友求證,得知醉酒一事確是分手原因。
被打回原形的陳山聰,痛定思痛後,月前經已重回劇組開工,在新劇《官場浮世繪》中佔戲頗重,每日只有兩小時休息。上周二( 11日),他早上練跑後駕車回大台,對於超雲的事,似乎不想再提。「(今日精神好好喎?)係呀!啱啱跑完步,所以精神好好多。(超雲分手後暴瘦,你有冇見過佢呀?)冇、冇、冇。(會唔會擔心佢有事?)我唔答喇!我唔想影響到人,你問番當事人,唔好問我。」

何家三房總動員

上周四(13日),賭王三房一齊出席中大的開幕活動,久未露面的賭王何鴻燊精神不錯,超雲與猷啟在父親面前表現得非常恭敬。

超蓮遲到

超雲與三太等步入會場後,超蓮才姍姍來遲,穿上高踭鞋的她急步跑入場。

姊妹冇交流

與中大高層在露台閒談時,超雲不時面露笑容,超蓮就全程木無表情,兩姊妹甚少交談。

超雲拒回應

一眼關七的超雲發現本刊記者後,即叫助手驅趕記者。知道記者想埋身問回應,仲叫助手反問:「係咪問嗰個男人嘅嘢?」真係好避忌喎!

中環傾心事

近年深居簡出的超雲,最近開始回復社交活動。日前超雲與男性密友 Vincent嘆茶傾心事,仲對住鏡頭介紹對方是她的「好好好好兄弟」。

嚇走男友


《蘋果日報》圖片 

去年與陳山聰分手後,超雲被拍到與一位高大型男睇戲。據知兩人只是普通朋友,報道一出已嚇怕男方。與超雲拍拖等同成為公眾人物,難怪至今都冇人敢追她啦!

醉酒有前科 辣㷫伍姑娘

其實陳山聰醉酒出事已經唔係第一次。 2011年, 35歲生日的他在派對飲大兩杯同朋友玩「 truth or dare」,輸咗要打「絕交電話」俾契姐伍詠薇,佢拋下一句:「你以後不要再搵我!」事後伍姑娘在微博向陳山聰發表絕交宣言及取消對他的關注。事後陳山聰不止一次向伍姑娘道歉,但始終未獲原諒。

承認經常飲酒

本刊記者再問陳山聰是否有飲酒習慣,他直認不諱:「間中都有飲。(當日你係咪喺超雲屋企飲醉酒亂衝亂撞?)……咁無稽嘅事,我唔答喇!(咁拍拖有冇試過飲醉酒?)我覺得以前(嘅事)唔需要再講囉!人生點都會醉過……有飲醉過,都係正常生活囉!大家鍾意點樣去揣測同點講都好,因為已經過咗去,我亦有我嘅新生活。(超雲話想拍拖喎!)人哋嘅事唔關我事,佢嘅事唔關我事。」看似對醉酒致分手一事不在乎。不過,他卻在鏡頭後緊張地問記者:「你哋會點寫?無端端傳我呢啲嘢?喺邊度收㗎?」

忽然疏離

超雲與超蓮兩姊妹感情一直要好,經常孖公仔出現,去年初超雲生日更當眾錫錫。自超雲與陳山聰分手,超蓮掛住與吳克群拍拖,甚少再見「孖公仔」現身。

難得合照

超雲與超蓮感情最要好時,就連服飾裝扮亦愛襯到絕。去年 3月兩人玩自拍放微博(右圖),但之後超雲一直沒有更新微博,超蓮亦沒再放姊妹合照。直至八個月後( 11月)才再現合照,當時是何鴻燊博士的壽宴(上圖),不過都是由友人王賢誌放上網。

拍拖要緊


《台灣蘋果日報》圖片 

近半年傳媒不時影到超蓮變身跟得女友,有吳克群出現的地方就會見到她的芳蹤,正所謂戀愛大過天。

聞舊愛即走

暴瘦後的超雲近月開始出山,月初( 9日),本刊發現超雲與男性密友 Vincent在中環 ifc嘆 high tea。現場所見超雲完全沒有進食任何東西,只顧不停與對方密斟,最後還向本刊記者透露想拍拖。「(心情咁好,係咪有人追呀?)我都好想有人追。(陳山聰積極做嘢喎!)唔答喇!」超雲面色一沉,隨即上車離去。雖然曾傳出超雲有新男友,但其弟何猷啟卻在活動上指大家姐仍然單身,並有意赴英國攻讀設計課程,似乎想離開傷心地。

超蓮掛住拍拖

過往超雲不開心,都有感情要好的超蓮陪伴左右,但近月超蓮掛住跟吳克群拍拖,再不見她與超雲孖公仔出現。上周四( 13日),何超雲和弟弟何猷啟,與父親何鴻燊及母親陳婉珍,一同出席中大書院揭幕禮儀式,超蓮卻乘另一架車分開到場。當日超蓮心情麻麻全程黑面,與超雲亦甚少交流。本刊記者欲上前採訪超雲近況,卻被其助手阻攔,更反問記者:「係咪問嗰個男人嘅嘢?」似乎欲與陳山聰劃清界線,最終超雲亦拒絕回應。

懶理時裝店

記者前往超雲投資的中環時裝店 Chew Closet,店員表示每隔一個月才有新貨到,坦言超雲甚少落舖,等買二手衫的顧客一般要等兩個月。

演悲劇人物

陳山聰在新劇飾演悲劇人物,拋棄糟糠後與小三都係冇好收場,與現實中的感情經歷極似。不知編劇有心還是冇意呢?

失戀減肥法

想增肥?拍拖啦!想減肥?甩拖啦!睇吓何超雲同陳山聰, 2012年開始熱戀期,唔使做四圍飛嘆世界,結果一齊變肥仔肥妹。分手後二人即做瘦身男女,陳靠跑步減磅,超雲就食唔安瞓唔樂,贅肉冇晒。

2013年

 


140磅 

180磅《蘋果日報》圖片 

2014年

 


110磅《蘋果日報》圖片 

160磅《蘋果日報》圖片 

撰文:娛樂組
攝影:攝影組

全站熱搜

tvb4life 發表在 痞客邦 留言(0) 人氣()