許雅婷 Kabby喺《微交少女》首映認識郭富城,之後拍攝舞台劇《伊甸》, Aaron更到後台為她打氣, 許雅婷 Kabby說:「可能佢係嚟撐 Jessica C.(《伊》女角)啫!」 

封面 許雅婷 Kabby

 

 

DaDa師妹認朋友 郭富城網交 18𡃁模

自從跟熊黛林分手後,郭富城開始對嫩模情有獨鍾,跟年紀細自己 23年的廣州模葉熙祺傳緋聞。
半年前 48歲郭天王更學𡃁仔玩 Instagram,除關注好友張智霖,更關注多位中港台以至東南亞性感嫩模。年紀最細有曾經做過「動主播」的 19歲周秀娜師妹許雅婷( Kabby);而 DaDa師妹,來自上海的「 33D」 Moka(方媛)亦得到郭天王「寵幸」, Moka向本刊承認跟郭天王是「朋友」關係。與𡃁模成為朋友,唔只宅男願望,原來連天王都想。

 

自上年郭富城跟熊黛林分手後,雖然同過苟芸慧及葉熙祺傳緋聞,不過都係一閃即逝。單身大半年的 Aaron,一啲都唔 dry,能令 48歲郭天王回春的唔係打邊爐,而係半年前開始學𡃁仔玩 Instagram。天王除關注好友外,其 118位追蹤名單中,包括 18位來自各地的性感嫩模。


入行前 Kabby做過蘋果動主播,之後簽約 GME做周秀娜師妹,頭炮拍《微交少女》,戲中做援交女有多場床戲,郭富城仲讚佢做得放添! 

上海妹 Moka方媛 12年簽約施念慈,同年更推出寫真集, 33D上圍。問佢同郭富城關係,她只答:「係朋友!」咁口密城城最 buy啦! 

蔚雨芯經排舞老師 Sunny Wong認識郭富城,之後更去其《微交少女》首映,再認識 Kabby。城城更在 Instagram內留言,讚蔚雨芯唱歌好聽,蔚就回「多謝偶像」(小圖)。

借開戲識新女

貴為城中鑽石筍盤, Aaron開始玩 Instagram後竟唔避忌「 follow」一班𡃁模。知情者說:「 Instagram揾靚女相方便,加埋城城老死余文樂又有玩,佢又跟風啦,點知愈 add愈多女。」嫩模獲郭天王關注亦受寵若驚,加上 Aaron露口風表示會開新戲,令班𡃁模更加心郁。
其中「魔鬼胸」蔚雨芯( Rainky)便透過 Instagram同 Aaron傾偈, Rainky說:「我經跳舞老師 Sunny Wong識佢,有次《微交少女》首映佢都有嚟捧場。(有冇食過飯呀?)有……冇呀,呢啲我唔回應喇。」有定冇㗎?而 DaDa師妹、擁有「 33D」上圍的 Moka(方媛)長住上海,是人氣「淘(寶)女郎」,亦係 Aaron關注對象。上載了多張性感相到 Instagram的 Moka,難怪輕易令 Aaron嗒糖,上海妹 Moka週一回應本刊時就好避忌:「我和他只是朋友,沒有其他的再可回應了!」

Ads by Google

玩得高調

郭富城雖然 48歲,不過 keep得好,所以仍然係無數少女嘅男神。自同熊黛林分手後, Aaron除咗突然愛上 Instagram,以前低調嘅佢,𠵱家成日發相公開自己私生活,更忽然愛上飲酒,不時上載自己「貓樣」,睇嚟同阿 Lynn分手後好開心喎!


單身嘅 Aaron平時多同好友 Chilam、余文樂玩,今年除夕仲一齊倒數、隊酒,冇女一樣咁開心。 

以前出騷次次都被問及同阿 Lynn戀情,令城城非常唔高興,但現在單身嘅 Aaron出騷時相當風騷,梗係啦, Instagram咁多妺妹。 

 

除咗 18位𡃁模外, Aaron亦關注一眾青春偶像,除方皓玟之外全部 30歲以下,最緊要後生。


吳若希 21歲 

連詩雅 25歲 

江若琳 26歲

衞詩雅 29歲 

方皓玟 33歲 

環球追模

18位𡃁模當中,本地幫只有 Kabby及 Starzpeople model陳瀅( 1 DAY ACUVUE廣告妹),連日本 model都有,但最多為國產 model,其中更有不少超性感照片。

香港幫

 


Starzpeople model 陳瀅無綫劇《女人俱樂部》飾演少女版陳慧珊 

香港 Rolemodel旗下 model  Banana愛玩瑜伽及食蕉 

Rolemodel旗下 model 吳仟悠178cm高,拍過恒生 TVC

強國模

 


劉心悠師妹 張予@內地《瑞麗》雜誌模特兒大賽冠軍 

北京舞蹈學院民族民間舞系學生 孫嘉怡 

北京 model 黃一琳行過日本 Kobe Collection時裝騷

維吾爾族 model 娜扎北京電影學院電影系學生 

國內 model兼富二代  Tami一茹 田一茹 

留美模


邁亞密留學生  Lu H 

 

日本妹

 


日本 model國內網絡紅人  MEGBABY 

中日混血兒嘅日本 model  Nana Lee 

韓國妹


韓籍 model  youn a日本雜誌《 Oggi》專屬模 

 

馬拉妹

 


馬來西亞演員及主持  Leah Lo 

網友選為馬來西亞  Juw張琪瑋最靚正妹 

馬來西亞 model  Neoh Chloe上過《 FHM》雜誌

欣賞 Kabby床戲


近年喺電影有好成績嘅 Aaron,有意做埋監製及導演,早前出騷時更話想同全智賢合作。 

不過最得到 Aaron欣賞的,原來是只得 19歲、做過蘋果「動主播」的 Kabby(許雅婷)。據知郭富城因為跟《微交少女》導演翁子光諗熟,出席該電影首映禮時,除了認識蔚雨芯,更認識第二女主角 Kabby;而《微》片中 Kabby飾演援交少女,有床戲及被姦戲。
雖然跟 48歲的 Aaron相差 29年,但據知 Aaron對 Kabby的豪放演出相當欣賞,之後 Kabby演出舞台劇《伊甸》, Aaron再度探班。 Kabby亦直認被 Aaron親口讚,她說:「佢睇完我《微交少女》讚我做得好,話第一次拍戲表現好放。(套戲好多床戲?)套戲由頭到尾都係床戲喎!佢 follow咗我 Instagram,都係朋友話我知,之後我拍舞台劇《伊甸》,佢都有嚟探班。」本刊再追問 Kabby關於郭天王有冇進一步行動, Kabby卻即時封嘴,怕得罪天王冇運行。

矮成個頭

前週日( 23日)一支公嘅郭富城同 Chilam夫婦一齊出席友人喪禮,着住平底鞋嘅 Aaron原來矮 cool魔差唔多成個頭。



出席完喪禮再會合沈嘉偉夫婦一齊到銅鑼灣西苑食飯。 

1/3熊黛林冇眼睇

上週六( 1日)熊黛林出席癌病基金籌款,被問到前度郭富城最近喺 Instagram識𡃁模,她說:「我唔識答呢啲問題。」

臨床心理學家李寶能:轉即食關係

佢可能因為上次感情創傷,令佢性格巨變。佢覺得長遠認真感情關係已經唔適合佢。對愛情失去信心,所以轉而向一啲容易即食關係,作為自己心靈治療。網上識女仔,佢以為可替代愛情,但其實唔得,只會愈識愈多。佢唔會對呢啲女仔有感情。除非再有一個女仔令佢可以認真,否則佢會繼續沉迷落去。


採訪、撰文、攝影:娛樂組

    全站熱搜

    tvb4life 發表在 痞客邦 留言(0) 人氣()