So Comment 8日 地址:灣仔莊士敦道 35-45號 1D

心思日本小店  8日(甲-)

裝潢
開鋪都要去學吓啲裝修,一間三尖八角嘅鋪,基本上係一個倒轉梯形,但係又能夠畀佢每個位都用得好好。

 

門口黑掹掹只得一個小牌寫住「 8日」,店內簡單的白和黑色,牆係用 sand stone倒模 waffle格仔,格仔的邊不是直的,是有弧度向內的。原來格仔代表魚網,長方吊燈的一橫橫係代表魚鰓。而另有圓圓哋的透明吊燈係代表魚眼,廚師後面的綠黃牆紙係魚鱗。

Ads by Google

最有趣係天花,起初沒有留意,咦?為其麼天花好似會郁,有波浪的?原來係用一種物料叫 Barrisol,本身似黑色的垃圾袋咁,好輕的,放上天花,再用一個類似吸塵機的暖風機將「垃圾袋」燙上天花, cute!



食物

前菜烏魚子, my favorite,尤其是係廚師醒的!先來一個 sashimi$450。牡丹蝦大隻到呢! Toro,左口……樣樣都好新鮮。


 

海膽壽司$98,好闊佬呀,好多海膽哦!

 

炸銀鱈魚精子,哈哈!即是中國人的魚臒!
用紫蘇葉包住啲精子炸!好食,我食過唔係炸的,而係放湯,又食過 sashimi咁。都係炸最好食。

 

Cream Cheese w/tuna
內臟$90
絕對一定要食。聽聞係蔡瀾的傑作叫「海參扣」。 Cream Cheese淡淡口,內臟好濃味,拌勻放上 cracker上,好正!

 

 


燒牛肉$250,可以燒香一點,燶一點更好。 

牛脷$90,韌一點。 

蟹粥$150,好似潮州粥咁,對廣東人嚟講,粥乜鬼吖,仲係飯嚟的,係廣東人的湯撈飯。我唔鍾意。

 

4人食了$3,218,還好!如果一間咁嘅小店花了很多心思去裝潢,能多一點日本 home-cooking就更友善,更親民,更可愛!

 

8日
地址:灣仔莊士敦道 35-45號 1D
電話: 2833 5188

 

蘇施黃
資深電台人,天生異「口」,除了講嘢叻,食嘢同樣嘴刁,近年開咪、上電視做主持都不離教人食得精,吸引大批粉絲跟佢搵食。


攝影:蘇施黃 

tvb4life 發表在 痞客邦 留言(0) 人氣()