後尾佢哋行去另一邊,喬寶寶同港姐葉凱茵等企足十幾分鐘,聽「黑妹姐」訓話。其間忍唔住望吓四周,可能怕瘀啦。 

媽咪姐

喬寶寶聽「黑妹」訓話

早前媽咪姐喺尖沙嘴食飯,撞正喺英國返香港搵銀嘅喬寶寶出席「黑妹」飯局喎。唔講你可能唔知,人稱「黑妹」嘅酒廊歌后李麗霞喺娛樂圈打滾幾十年,好有江湖地位!好似嗰晚「黑妹」同喬寶寶、彭國樑、趙永洪同葉凱茵等食完飯,就落咗街「打邊爐」。只見「黑妹姐」開始發威,逐個教訓,個個聽到頭耷耷。

Ads by Google

無辦法啦!「黑妹姐」食鹽多過佢哋食米,三月又開騷嘞!周不時仲安排啲登台 job俾大家搵銀,連有個歌手家姐彭家麗嘅彭國樑都話:「家姐(指黑妹)講嘅嘢係有道理,我哋個個都會聽嘅。」所以話,娛樂圈真係臥虎藏龍㗎!


喺街頭見到一班大男人圍住「黑妹」,已經感受到一股強勁嘅氣場! 

(左起)彭國樑、趙永洪同喬寶寶聽完訓示,即刻無厘神氣。睇嚟返屋企要再戙高牀板諗吓嘞。 

tvb4life 發表在 痞客邦 留言(0) 人氣()