爆浩龍「傻 high」曾志偉同林敏驄一齊唱〈傻 high high〉,裏面嘅歌詞超爆笑,出自林敏驄手筆,佢話用嚟形容劉浩龍蜜運中個「傻 high」樣喎。 

媽咪姐

林敏驄改詞 大玩祖兒浩龍

前幾日「獎門人」拖馬到廣州開騷,曾志偉、一班獎老同林敏驄、王祖藍及阿 B鍾鎮濤等都有去。

Ads by Google

成班都係搞笑能手,全無冷場。近期同劉浩龍拍緊電影《全力扣殺》嘅林敏驄,更將龍嫂容祖兒首〈我的驕傲〉,改咗做〈傻 high high〉,歌詞大灑鹽花,笑到媽咪姐嘴歪。佢大爆 Joey成日去探班,劉浩龍就開心到成個「傻 high」咁:「佢兩個成日攬埋一嚿,由東攬到西,就嚟攬住碌落山啦!」咁劉生有冇聽過首〈傻 high high〉先?林敏驄就話:「梗係有,仲不知幾亢奮㖭呀!」



鹹濕歌詞首〈傻 high high〉嘅歌詞除咗形容劉浩龍見到 Joey會變「傻 high high」之外,又有無厘頭食蟹同飲奶,當然有唔少鹹濕嘢啦! 

朝偉上身王祖藍最叻扮梁朝偉,扮完《一代宗師》葉問,即變身扮年輕時不羈 look嘅偉仔唱〈你是如此難以忘記〉,連把聲都似到十足。

tvb4life 發表在 痞客邦 留言(0) 人氣()