周一瘦番啲宣萱的正面睇仲有「 V」形面,不過側面就真係腫咗啲囉! 

媽咪姐

惹火宣萱放假買豪宅

放咗年幾悠長假期嘅宣萱,近日是非多多,火氣都幾大。周一( 24日)佢上 now接受王賢誌訪問,媽咪姐就去咗關心吓。

上年 6月腫晒

上年 6月,媽咪姐已經同大家講過,話瘦底宣萱唔知點解成個人腫咗。而佢亦覺得唔妥,去咗驗血,發現甲狀腺有事,即刻搵醫生跟進。

鄰居爆火

宣萱現居西貢金苑獨立屋,啱啱同鄰居因座駕泊位阻出入等問題有爭執,佢仲話俾人用粗口鬧,依家交俾警方處理,但唔會搬。

 

位於清水灣嘅曉嵐閣,靜中帶旺,宣萱指父母年紀大,要住有電梯嘅屋苑,加上位置近佢住嘅金苑,所以喺上年 9月買入。羅嘉良都住過呢度㗎!


 

呢日見宣萱雖然因甲狀腺問題令塊面腫腫哋,不過身形都叫 keep得唔錯,佢同媽咪姐講:「下個月再去覆診,依家唔使食藥住,只係指數高咗少少,可能壓力造成。」吓?放緊假都有壓力,原來宣萱舊年以千幾萬買入清水灣曉嵐閣後,之後忙住搞裝修,加上自住嘅金苑又要裝修,日日都要𥄫住啲進度。「放假仲忙過開工!曉嵐閣係俾父母住,裝修真係好多嘢搞好煩。近排又要做運動同做機,跟營養師嘅餐單,要快速減肥,因為嚟緊要拍廣告。」

Ads by Google

不過宣萱舊年工作量唔多,都買入千萬豪宅,會唔會有供樓壓力呀?佢即刻話:「梗係無啦,買之前計得好清楚,有足夠 cash flow先買!」嘩!呢啲仲唔係叫富婆?難怪佢提到最近同鄰居嗰單泊車糾紛,一啲都唔緊張,「依家報咗警,備咗兩次案,唔係咩大事。不過都大開眼界,接觸唔同類型嘅人都好,以後會知呢類角色要點演。」


宣萱(右二)同鄰居爆火嘅消息傳出後,歐陽震華(左一)即刻出聲力撐。佢哋兩個新年時仲特登約埋陳秀雯(中)、呂晶晶(右一)食飯,好 happy! 

埋位訪問前宣萱忙於補妝,擔心因面腫影響上鏡。咁主持王賢誌就玩住手機等,兩人係多年老友,好有默契。 

全站熱搜

tvb4life 發表在 痞客邦 留言(0) 人氣()