Eric So落車之後仲要同王菀之 bye足成分鐘先捨得上樓。女嘅望到男友入升降機至肯走,真係好一對痴男怨女! 

媽咪姐

王菀之送上樓

王菀之同 figure王 Eric So戀情浮面後,兩個就似孖公仔咁出出入入。呢,早幾日,媽咪姐又見到王菀之喺九龍城嘅「愛巢」附近濕平,遲嚟嘅 Eric見 honey一抽二「 lung」,即刻 gentlemen上身幫王菀之拎晒啲重嘢,之後再細心咁服侍上車,真係細心熨貼到呢。

Ads by Google

男朋友做到足,王菀之當然識做啦,特登兜埋男友返觀塘嘅 office,仲要目送男友上樓先至肯開車走。嚟緊 5月,王菀之會喺紅館開騷,仲第一次同男朋友 Eric合作, Eric幫佢設計演唱會產品。婦唱夫隨, sweet到爆呀!


王菀之一手秤起兩個袋,一手打電話叫助手揸車接佢,都有幾分人妻嘅氣息! 

Eric So整 figure細心好多人都知,估唔到對 honey同樣體貼,照顧埋上車! 

tvb4life 發表在 痞客邦 留言(0) 人氣()