博出位

捍衞人魚線

今時今日要刺激收視,未必一定使出事業線。最近唔少藝人都露腰騷人魚線,除咗可以騷下 fit爆身材外,順便展示一下自己努力成果。所以各位想露得健康而又不失性感,就要加把勁喇!

鄭秀文 跑後狂騷腰

最近天氣咁凍,莫講話做運動,就連出街都唔多願。但鄭秀文就愈凍愈勤力,即使要忙拍戲,都堅持抽時間做運動。早前佢就喺微博一連換咗 12張大頭貼相,相中 Sammi對鏡自拍,騷咗條小蠻腰同人魚線出來,睇嚟佢對自己嘅修身成果相當滿意。


Sammi呢張大頭貼相非常 sexy,不過係健康性感。 

Sammi頻頻喺微博晒跑步相,仲示範金魚嘴! 

杜汶澤 瘦相做指標

杜汶澤由肥仔變做大隻佬,令到唔少身形普通嘅男藝人都要有樣學樣。不過減肥要持之以恆,加上佢最近又戒埋煙,難怪體重有回升跡象。所以阿澤嗱嗱聲放番張拍攝《金雞 sss》期間嘅換衫相,以超深嘅人魚線身形激勵自己。

Ads by Google

衞詩 向六嚿進發

衞詩最近積極做唔同運動減肥,仲日日將努力成果擺上網獻世。雖然身形已經消瘦不少,同男友高瘦外形非常合襯,但佢唔心息,以一排朱古力做目標,仲限住自己三個月要見效。講毅力衞詩真係叻過家姐衞蘭好多。


衞詩同中英混血男友 Tim拍拖接近 4年,二人經常網上晒恩愛。 

高 Ling 晒腰撼泰臣

高海寧(高 Ling)同泰臣早前齊齊以韓國塑身女王鄭多燕造型拍嘢。一向大件頭嘅高 Ling,着住露腰啦啦隊衫騷 quali,腰間冇乜肥膏,但似乎泰臣谷行事業線反串扮女人,仲搶眼啲囉!

全站熱搜

tvb4life 發表在 痞客邦 留言(0) 人氣()