IQ考考笑
陳慧琳開題：我 Kelly最鍾意食咩點心？
今期《忽周》好大面子請嚟天后級 Kelly開題，又邀約到影后、影帝級君如同秋生嚟接招。不過 Kelly都算唔話得，整條超容易題目明益大家，唔識真係打 pat pat。
吳君如：乜 Kelly鍾意食點心㗎咩？
Ads by Google
《金雞 sss》收近 4,000萬票房，睇落醒目嘅君如竟然自認 IQ零蛋，一嚟就問：「 Kelly鍾意食點心㗎咩？」不過人老精鬼老靈，媽咪姐俾佢玩咗一嘢，佢唔使五秒就自動供出答案咯！
黃秋生：最鍾意佢老公。
表面躁爆嘅黃秋生原來好玩得，一聽完題目，佢即搞笑話：「佢老公呀？佢最鍾意咪佢老公囉！」然後經助手提水得悉答案，再話：「我以為係叉燒包㖭！因為我最熟人肉叉燒飽。」真係唔夠佢講。
衞蘭：係咪鳳爪呀？
Janice中文唔好，開頭都好擔心唔識答：「死啦，鳳爪呀？因為我最鍾意食，哈哈哈……」不過聽完 tips後，即時爭住答，叻叻。
伍樂城：我梗係識！
Cool爆嘅音樂人 Ronald，下月將開個人作品展，今期都湊吓熱鬧，「我梗係識啦！佢最鍾意得嗰兩款點心。」原來唔止音樂叻，人都好聰明喎！
黃偉文：有人唔識㗎咩？
同 Kelly最 friend嘅 Wyman，輕輕鬆鬆道出答案，仲 O嘴話：「有冇再簡單啲？乜有人唔識答㗎咩？有你話我知。」係嘅係嘅！
陳慧琳開估：
咪就係我兩個囝囝蝦餃（劉昇）同小籠包（劉琛）囉！
全站熱搜
留言列表
