帶女巡舖嫩女打扮入時,穿上迷你短裙力騷長腿。林建名帶她到他旗下舖頭 shopping時,不停向對方介紹公司產品,而身旁的細女林煒珽就睇到眼寃,擰歪埋面。 

名人潮

驚嚇父女戀  76歲林建名拖嫩女出巡

戀愛無分界限,年齡亦並非障礙,只要心口掛個勇字一樣掂。鱷魚恤、大名集團主席林建名自命風流,雖然年屆 76歲,但身邊女伴如走馬燈,更愈揀愈嫩口。

Ads by Google

早前,本刊拍得他與新嫩口女伴同遊銅鑼灣。林建名新寵年約 20歲,染了金髮兼衣着新潮,站在滿頭白髮的林建名旁邊,似父女多過似情侶,難怪惹來不少奇怪目光。
對於搞父女戀,林建名對記者笑說︰「係朋友都得㗎!我驚跌親㗎依家,有人拖我就拖㗎喇!」

 

樣靚身材正的少女,確實人見人愛,受盡不同年齡界別的男士歡迎,年屆 76歲的林建名亦不例外。坐擁數十億身家的他,一向不乏女伴,近年他更愈揀愈嫩口,被喻為城中情場浪子。

Ads by Google

揀嫩女回春

經歷過兩次失敗婚姻的他,曾透露︰「離婚好痛苦,依家希望有個人陪我,最好唔使結婚。」不婚宣言講得瀟灑,他更自誇跟嫩女無代溝,最年輕女伴試過只有 19歲。他坦言︰「同年輕女友交往好開心,可以令自己春青啲。我同佢哋絕對無代溝,因為好多新潮嘢我都照學。」即使時下有不少嫩女,因為一個「錢」字而主動獻身,但林建名表示冇所謂,一於開心為上。「咁都擺明車馬(女仔貪錢)啦,我會照顧佢哋生活,等佢哋生活無問題,不過大事就幫唔到喇。當佢哋想有更大發展嘅時候,自然唔會再搵我。」不過這種溝嫩女的回春方法,林建名的仔女似乎唔係好 buy。


拖實唔放林建名與嫩女行街時,大部分時間都拖到實,而女方一直於他身後,有如熱戀小情人,不過眼神就比較空洞。 

仔女冇眼睇

早前,本刊拍得林建名孖住新女伴出巡,同行更有孻仔林孝信與細女林煒珽。他們一行多人到銅鑼灣時代廣場 shopping,之後到林建名旗下舖頭試衫。現場所見,林建名與女伴有如熱戀中小情侶,不時喁喁細語,邊講邊笑。落電梯期間,二人更拖到實。而身旁的林孝信與林煒珽就懶得理,齊齊急步入舖頭試衫,與老竇的女伴完全零交流。「 Veronica(煒珽)都知老竇唔定性,不過佢見到老竇嘅女朋友年紀仲細過自己,都擔心老竇會俾啲女仔呃,所以每個佢都會𥄫實。」知情者說。
周一( 24日),本刊就拖新女一事致電林建名,心情靚爆的他,雖然未有親口承認女友身份,但言談間不時哈哈大笑,極為風騷。「點先係女友呀!我見到先知,都唔知係唔係,未必係,係朋友都得㗎!(朋友都拖住手?)拖住手,係呀!我平時都要人拖嘛!我驚跌親㗎依家!有人拖我就拖㗎喇!哈哈哈!(專揀年輕女友?)我啲朋友多數都係後生,依家未揀定呀!未搵到個呀!」


愛女懶理當日細女林煒珽心情麻麻,林建名與嫩女繼續巡舖,她即時彈開一邊試衫,即使店員落力撩傾偈,她亦木無表情。 

掃完自己品牌服裝,林建名由嫩女與細女林煒珽傍實走人,化行妝的嫩女相比素顏細女更加嫩口。 

嫩女執樣嫩女對林建名旗下舖頭服裝似乎唔多啱睇,逗留大半個鐘的她悶到發慌,一時發呆,一時拎化妝品補妝。 

林建名旗下大名娛樂舉行活動,定必舉家撑場。早前,大女林煒珊更帶埋囡囡支持,林建名見愛孫即時攬實,冧到不得了。 

愈拖愈嫩

出名多女的林建名,女伴一個接一個,每次出動均有不同女伴傍實。近年繼續密密換畫的他,轉揀年輕火辣的嫩女,口味大眾化。

00年 白滑少婦

他被拍得與激似日本三級脫星程嘉美(野本美穗)的女友,到中環雲咸街食印度菜。二人表現親密,女方更不停搔首弄姿撥長髮,他當堂暈得一陣陣。

05年 台灣辣妹


《壹週刊》圖片 

他出席前港甲精工班主黃創山長子黃瑞耀,於泰國曼谷舉行的婚禮。當時與他隨行的妙齡少女,被好友梁守志踢爆是其台灣女友之一。

10年 幼嫩𡃁妹


《蘋果日報》圖片 

身為馬主的他,帶同嫩口少女到沙田馬場捧愛駒「瀟洒大少」。見有記者在場,他表現避忌,不過該打扮性感的少女,極為主動,不時跌住膊與他交談。


撰文:名人組 
攝影:攝影組

    全站熱搜

    tvb4life 發表在 痞客邦 留言(0) 人氣()