歐陽妙芝數臭楊崢:係事實!

名模楊崢與無綫小生黃宗澤(Bosco)被爆姊弟戀後,女方負面新聞不絕。昨日與她同期出道的歐陽妙芝爆大鑊,暗示楊崢人緣差,當年搶走大肚黃佩霞男友是「事實」。楊崢對於被指是小三則無奈地稱︰「唔係事實嘅唔回應,當事人已經否認咗。」



歐陽妙芝起初稱不想提楊崢,但之後愈講愈多。

Bosco與楊崢被本報踢爆姊弟戀後,楊崢負面新聞不絕!有傳她當年介入大肚黃佩霞與男友戀情,之後又被爆原本Bosco與陳嘉容撻着,最後由楊崢「執二攤」!身為黃佩霞與陳嘉容好友的名模歐陽妙,昨日為nowTV節目擔任嘉賓時爆大鑊,直指楊崢當年搶黃佩霞男友是事實,更稱陳嘉容與Bosco好傾!

Ads by Google

歐陽妙芝聲稱與「崢澤」不熟落:「我冇佢(楊崢)電話,你話熟唔熟?(會祝福佢哋?)點都要祝福佢!見到人開心,自己都會開心。」


黃宗澤昨日在電視城開工,強調與女友感情冇變。

楊崢昨日於電台工作後走人,萬料不到被歐陽妙芝爆大鑊。

歐陽妙芝昨晚與好友食飯時提及「崢澤戀」。

之後妙芝稱不想提楊崢,怕被外界以為博宣傳。但妙芝又暗寸對楊崢人緣差:「呢排好多講佢哋嘅新聞,聽到唔想聽,見到封面都唔想睇。(楊崢人緣差?)你話呢?我同佢傾過幾句偈都數得出。」

Ads by Google

為好姊妹出頭

提到有傳楊崢曾搶走黃佩霞男友,妙芝直指是「事實」:「我當年有陪住佢(黃佩霞),見到個姊妹咁樣,令男人拋妻棄子,可以想像到呢個人係點。(覺得楊崢係第三者?)要問番黃佩霞,講過啦!係事實嚟喎!我尋日(前日)同黃佩霞、伍姑娘食飯又係講佢。(叫Bosco睇定啲?)唔係我責任,要由佢父母同親朋戚友講。」提到Bosco與陳嘉容的緋聞,妙芝稱工作時見過二人「好冧」傾密偈,笑言愛情是控制不到和情難自禁。

其後妙芝再接受訪問,問是否幫好姊妹出頭?她稱:「我係撐姊妹,故事主角好多嘢唔方便講。」

楊崢:唔係事實

對於妙芝的言論,否認「崢澤戀」情變的楊崢於電話訪問中無奈地說:「唔係事實嘅唔回應,當事人(黃佩霞)已經否認咗。」眼見女友被數臭的Bosco則以短訊表示:「我同陳嘉容只係朋友,其他嘢一概唔回應。」提到情變傳聞,他指︰「我都係睇報道先知,畀多啲空間我哋。」問他母親是否詐型?他說︰「連我自己都唔知,見都冇時間見,冇機會『哦』!睇完開心吓笑吓就算。」至於前晚與妙芝食飯的伍詠薇亦「劃清界線」不回應,因她不想牽涉於此事。

文:影視組

黃佩霞否認被撬牆腳

對於歐陽妙芝為自己出頭爆大鑊,兩位當事人黃佩霞和陳嘉容昨均否認。黃佩霞強調:「我同前度未分手時感情好好,佢目不斜視,分手唔係因為有第三者。(點解傳楊崢搶你前度?)可能出面聽到啲傳聞,當時妙芝係有陪我,時間上有少少前後出入。」被傳聞困擾的佩霞續稱:「分手係十幾年前嘅事,個女都咁大,我同前度一直係非常好嘅關係,對方都有自己家庭,唔想事件影響佢。」



黃佩霞(右)與陳嘉容均指傳聞非事實。(資料圖片)

而陳嘉容亦否認曾與Bosco相戀:「梗係唔係啦,傻嘅咩?(妙芝話見證你喎?)咁得意?咁神奇?好好笑。(話你哋竊竊私語?)唔通要大聲講嘢咩?咁樣會騷擾到其他人,又冇禮貌。」她開玩笑地稱若對方真的追求,會作考慮。

    全站熱搜

    tvb4life 發表在 痞客邦 留言(0) 人氣()